Atyraý oblysyndaǵy ortaǵasyrlyq Saraishyq qalashyǵy aýmaǵynda arheologtar shamamen 250 jańa artefakt tapty. Tabylǵan jádigerlerdiń arasynda Altyn Orda dáýiriniń eskertkishterinen buryn kezdespegen erekshe zat bar, dep habarlaidy Dalanews.kz «Aq Jaiyqqa» silteme jasap.
«Saraishyq» memlekettik tarihi-mádeni mýzei-qoryǵynyń mamandary qazba jumystary barysynda XIV ǵasyrdyń basyna jatatyn turǵyn úilerdiń bólikterin, tsitadel men kerýen-saraidyń qaldyqtaryn anyqtaǵan.
Mýzeidiń bas inspektory ári arheology Aibek Turarulynyń aitýynsha, qor kollektsiiasy metall, shyny, súiek jáne keramikadan jasalǵan buiymdarmen tolyqqan. Alaida tabylǵan zattardyń ishinde ǵylymi qaýymdastyqtyń erekshe qyzyǵýshylyǵyn týdyrǵan bir jádiger bar.
«Eń erekshe olja – XIV–XV ǵasyrlarǵa jatatyn qola qulyp. Buǵan deiin mundai buiymdar Altyn Orda qalashyqtarynan tabylǵan emes», – dedi arheolog.
Saraishyq – Qazaqstandaǵy eń kóne qalalardyń biri. Ártúrli tarihi kezeńderde bul qala Altyn Orda, Noǵai Ordasy jáne Qazaq handyǵynyń astanasy bolǵan.
