Ulttyq qaýipsizdik komıteti áleýmettik jeliler arqyly terorızmdi nasıhattady degen kúdikpen Atyraý oblysynyń 17 jastaǵy turǵynyn ustady, - dep habarlaıdy Dalanews.kz.
Tintý kezinde odan tergeýge qajet materıaldar alyndy.
Qylmystyq kodekstiń 256-baby 1-bólimi boıynsha sotqa deıingi tergep-tekserý júrgizilip jatyr.
Ulttyq qaýipsizdik komıteti málimetinshe, 2023 jyly dál osy adamǵa uqsas qylmys úshin 2 jylǵa bas bostandyǵynan shekteý jazasy kesilgen.
Qabyldanǵan prosestik jáne profılaktıkalyq sharalarǵa qaramastan, ol quqyqqa qarsy áreketterin jalǵastyrǵan.
Bul rette terorıstik qylmystar úshin jaýapkershilik 14 jastan bastalady.
17 aqpanda Ulttyq qaýipsizdik komıteti polısıa organdarymen birlese jáne Bas prokýratýranyń úılestirýimen Aqtóbe, Atyraý, Shyǵys Qazaqstan, Jambyl, Batys Qazaqstan, Túrkistan oblystarynda jáne Shymkent qalasynda quramynda destrýktıv dinı aǵymdy ustanýshylar bar qylmystyq toptardyń is-qımylynyń jolyn kesý boıynsha operasıany bastady.
