Buqaralyq aqparat quraldarynda memleket Úshqońyrdaǵy jer telimi úshin Bolat Nazarbaevtyń ulymen sottasyp jatqany týraly aqparat tarady, - dep habarlaidy Dalanews.kz Azattyq radiosyna siltep.
Radio málimetinshe, eks-prezidenttiń nemere inisi, Bolat Nazarbaevtyń uly Nurbol Nazarbaev Almaty oblysy Qarasai aýdanynda jalpy kólemi 9241 gektar bolatyn birneshe jer telimine ie. Ol oǵan Steppe AgroMeat jáne QazAgroCentre kompaniialary arqyly ielik etedi. Jergilikti prokýratýra bul jer telimderin berý kezinde zańsyzdyqtardy anyqtaǵan. Bul týraly press.kz telegram-arnasy da jazdy.
"Jergilikti jer resýrstaryn basqarý departamenti sotqa jer telimderin satý-satyp alý kelisimderin zańsyz dep tanyp, kúshin joiý týraly úsh aryz túsirgen. Aýmaǵy 193 gektar bolatyn bir jer telimine qatysty aryzdy Qarasai aýdandyq soty qanaǵattandyrmaǵan. Departament sheshimdi apelliatsiiaǵa bergen. Qazir eki aryz qaralyp jatyr", - dep jazylǵan derekte.
Al Azattyq málimetinshe, Nurbol Nazarbaev Qazaqstandaǵy dáýletti adamdar tiziminde 45-orynda tur. Forbes onyń bailyǵyn 155 million dollar dep baǵalaǵan. Ol – Prime Capital Invest kompaniiasynyń quryltaishysy, PLS, PLS-TM kompaniialary ("Almaty aýyr mashina jasaý zaýyty" AQ majoritar aktsioneri) ieleriniń biri.
Buǵan deiin osy máselege premer-ministrdiń orynbasary Serik Jumanǵarin de jaýap bergen edi. Ol Úshqońyrda 15 myń gektar jerdi qarýly kúzet qorshap alǵany týraly depýtattardyń úndeýine pikir bildirdi.
Daý Májilis depýtaty, jýrnalist Maqsat Tolyqbai Almaty oblysy Shamalǵan aýylyndaǵy Úshqońyr taýy qorshalyp turǵan jerge kire almaǵanynan bastaldy. Áleýmettik jelilerde aýmaq qorshalǵan video da tarap ketti. Tolyqbaidyń sózinshe, memlekettiń 15 myń gektar jerin qarý asynǵan kúzetshiler qorshap alǵan.
