بۇقارالىق اقپارات قۇرالدارىندا مەملەكەت ٷشقوڭىرداعى جەر تەلٸمٸ ٷشٸن بولات نازارباەۆتىڭ ۇلىمەن سوتتاسىپ جاتقانى تۋرالى اقپارات تارادى, - دەپ حابارلايدى Dalanews.kz ازاتتىق راديوسىنا سٸلتەپ.
راديو مەلٸمەتٸنشە, ەكس-پرەزيدەنتتٸڭ نەمەرە ٸنٸسٸ, بولات نازارباەۆتىڭ ۇلى نۇربول نازارباەۆ الماتى وبلىسى قاراساي اۋدانىندا جالپى كٶلەمٸ 9241 گەكتار بولاتىن بٸرنەشە جەر تەلٸمٸنە يە. ول وعان Steppe AgroMeat جەنە QazAgroCentre كومپانييالارى ارقىلى يەلٸك ەتەدٸ. جەرگٸلٸكتٸ پروكۋراتۋرا بۇل جەر تەلٸمدەرٸن بەرۋ كەزٸندە زاڭسىزدىقتاردى انىقتاعان. بۇل تۋرالى press.kz تەلەگرام-ارناسى دا جازدى.
"جەرگٸلٸكتٸ جەر رەسۋرستارىن باسقارۋ دەپارتامەنتٸ سوتقا جەر تەلٸمدەرٸن ساتۋ-ساتىپ الۋ كەلٸسٸمدەرٸن زاڭسىز دەپ تانىپ, كٷشٸن جويۋ تۋرالى ٷش ارىز تٷسٸرگەن. اۋماعى 193 گەكتار بولاتىن بٸر جەر تەلٸمٸنە قاتىستى ارىزدى قاراساي اۋداندىق سوتى قاناعاتتاندىرماعان. دەپارتامەنت شەشٸمدٸ اپەللياتسيياعا بەرگەن. قازٸر ەكٸ ارىز قارالىپ جاتىر", - دەپ جازىلعان دەرەكتە.
ال ازاتتىق مەلٸمەتٸنشە, نۇربول نازارباەۆ قازاقستانداعى دەۋلەتتٸ ادامدار تٸزٸمٸندە 45-ورىندا تۇر. Forbes ونىڭ بايلىعىن 155 ميلليون دوللار دەپ باعالاعان. ول – Prime Capital Invest كومپانيياسىنىڭ قۇرىلتايشىسى, PLS, PLS-TM كومپانييالارى ("الماتى اۋىر ماشينا جاساۋ زاۋىتى" اق ماجوريتار اكتسيونەرٸ) يەلەرٸنٸڭ بٸرٸ.
بۇعان دەيٸن وسى مەسەلەگە پرەمەر-مينيستردٸڭ ورىنباسارى سەرٸك جۇمانعارين دە جاۋاپ بەرگەن ەدٸ. ول ٷشقوڭىردا 15 مىڭ گەكتار جەردٸ قارۋلى كٷزەت قورشاپ العانى تۋرالى دەپۋتاتتاردىڭ ٷندەۋٸنە پٸكٸر بٸلدٸردٸ.
داۋ مەجٸلٸس دەپۋتاتى, جۋرناليست ماقسات تولىقباي الماتى وبلىسى شامالعان اۋىلىنداعى ٷشقوڭىر تاۋى قورشالىپ تۇرعان جەرگە كٸرە الماعانىنان باستالدى. ەلەۋمەتتٸك جەلٸلەردە اۋماق قورشالعان ۆيدەو دا تاراپ كەتتٸ. تولىقبايدىڭ سٶزٸنشە, مەملەكەتتٸڭ 15 مىڭ گەكتار جەرٸن قارۋ اسىنعان كٷزەتشٸلەر قورشاپ العان.
