Alaiaqtyq jasaǵany úshin sottalǵan "Atameken" ulttyq kásipkerler palatasynyń burynǵy tóraǵasy Abylai Myrzahmetovke taǵaiyndalǵan jaza jeńildedi, dep habarlaidy dalanews.kz.
SHYNDYK.KZ dereginshe, ol endi túzeý mekemesinde emes, elektron baqylaýmen turǵylyqty jerinde jazasyn ótep jatyr.
Qylmystyq-atqarý júiesi komiteti málimetinshe, sot sheshimimen Abylai Myrzahmetovtiń jazasy jeńil jaza túrine aýystyrylǵan.
"Sot sheshimimen oǵan taǵaiyndalǵan jaza neǵurlym jeńil jaza túrine aýystyryldy. Sottalǵandarǵa qatysty máselelerdi qaraý jáne sheshim qabyldaý sot organdarynyń airyqsha quzyretine jatady", - dep jazylǵan habarlamada.
Eske salaiyq, 2024 jyly mamyrda sot Abylai Myrzahmetovti asa iri kólemde alaiaqtyq jasaǵany úshin kináli dep tanyp, bes jylǵa bas bostandyǵynan aiyrǵan bolatyn. Sonymen qatar, onyń 5,8 mlrd teńge kólemindegi múlkin tárkileý týraly sheshim shyǵarylǵan edi.
