Táýelsizdigimizge, tutastyǵymyzǵa qater tóngende el Prezidenti Qasym-Jomart Toqaevtyń sarabdal sheshimi men qairat-jigeriniń arqasynda lańkesterdiń búlikshilik is-áreketterine der kezinde tosqaýyl qoia bildik.
Prezidentimiz Qasym-Jomart Toqaev Parlament Májilisinde elimizde oryn alǵan qaqtyǵys saldarynan týyndaǵan qiyndyqtardy eńserý joldary men halyqtyń áleýmettik jaǵdaiyn jaqsartý máselelerin jáne olardy sheshýdiń baǵyt-baǵdaryn aiqyndap berdi. El ekonomikasyn ártaraptandyrý, óńdeý ónerkásibin damytý, quqyq qorǵaý júiesin túbegeili reformalaý, qarjy naryǵyn retteý jáne aýyl sharýashylyǵy, bilim, densaýlyq saqtaý, áleýmettik salalardyń tiimdiligin arttyrý boiynsha Memleket basshysy kótergen máselelerdiń barlyǵy – halyqtyń kókireginde júrgen saýaldar.
Ásirese, Memleket Basshysynyń «Qazaqstan halqyna» qoǵamdyq-áleýmettik qoryn qurý týraly bastamasy kópshiliktiń kóńilinen shyqty desek te bolady. Bul qor az qamtylǵan, turmys deńgeii tómen jáne sirek aýyratyn balalardy ósirip otyrǵan otbasylarǵa áleýmettik qoldaý kórsetý boiynsha naqty máselelerdi sheshýmen ainalysatyn bolady. Resmi derekterge sáikes, búgingi kúnniń ózinde qorǵa 13 mlrd. teńgege jýyq qarajat jinalyp,tiisti jumystar bastalyp ta ketti.
Sonymen qatar, Prezidentimizdiń «Samuryq-Qazyna» qorynyń qyzmetin tolyǵymen transformatsiialaý jónindegi tapsyrmasy pysyqtalýda. Atap aitqanda, eń aldymen, «Samuryq-Qazyna» qorynyń tym kóp basqarý qurylymdaryn qysqartý, memleket pen halyq múddesine baǵyttalǵan tabystardy arttyrý úshin «Samuryq-Qazyna» men Úkimet arasyndaǵy ózara qatynastardyń sipatyn ózgertý, resýrstardy el igiligine baǵyttaý, ulttyq kompaniialardyń satyp alý júieleriniń ashyqtyǵyn qamtamasyz etý jáne qordyń aktivterin jekeshelendirý isterin jandandyrý boiynsha búginde Úkimet naqty usynystar men júzege asyrylatyn sharalardy ázirleýde.
Sondai-aq, elimizde ýtilizatsiialyq alym jinaý sharýasymen ainalysyp kelgen biryńǵai operatordyń jumysy toqtatyldy.
Endigi ýaqytta ýtilizatsiialyq alymdy jinaý shet elder sekildi memleket qaraýyna ótip, otandyq mashina jasaýshylarǵa qoldaý kórsetiledi. Ýtilizatsiialyq alymnan túsken qarjy qoǵamǵa tiimdi jaratylatyn bolady.
Odan bólek, Memleket Basshysy jaqynda Almaty qalasyna saparmen baryp, ondaǵy zardap shekken nysandardy jedel ári burynǵydan da ádemi etip jóndeýdi 8 aida aiaqtaýdy tapsyrdy.
Qazirgi tańda qiraǵan ǵimarattardy jóndeý jumystary qolǵa alynyp, qarqyndy júrgizilýde.
Jalpy, búkil elde qańtar oqiǵasynan keiingi tazalaý, retke keltirý jumystary ekpinmen iske asyrylýda.
«Otan – bizdiń eń úlken anamyz. Árkim Otanyna kórsetken qyzmetine jylý dámetpeýi tiis. Ol – onyń azamattyq boryshy» - dep, belgili jazýshy Muhtar Shahanov aitqandai óz elimizdiń azamaty jáne patrioty bolý bárimizdiń mindetimiz.
Qazaqstan – bizdiń ortaq elimiz! Sondyqtan da Elimizge aianbai eńbek etip, táýelsizdigimizdi kózdiń qarashyǵyndai qorǵaýdyń qajettiligin birde-bir sát esten shyǵarmaýymyz qajet.
«Birligi bar eldiń belin eshkim syndyrmas» - dep, dana babalarymyz aitqandai, jerimizden qut-bereke qashpai, táýelsiz Qazaqstannyń aspany máńgi beibit bolýy úshin birligimizdi myǵymdap, elimizdiń damýyna bar kúsh-jigerimizdi salaiyq!
Birligimiz bekem, yntymaǵymyz yrysty bolyp, Táýelsiz elimiz gúldene bersin!
Qairat BALABIEV,
Túrkistan oblystyq máslihatynyń hatshysy
