Ashat Oralov jańa qyzmetke taǵaiyndaldy, dep habarlaidy Dalanews.kz.
Qazaqstan Respýblikasy Prezidenti Ákimshiliginiń kelisimi boiynsha, oblys ákiminiń ókimimen Ashat Razdyquly Oralov Mańǵystaý oblysy ákiminiń birinshi orynbasary bolyp taǵaiyndaldy.
Ol buǵan deiin Qazaqstan Respýblikasy Prezidenti Ákimshiliginiń Memlekettik inspektory qyzmetin atqarǵan.
Ashat Oralov 1990 jylǵy 10 aqpanda Pavlodar oblysynda dúniege kelgen.
L.N. Gýmilev atyndaǵy Eýraziia ulttyq ýniversitetin jáne Resei Federatsiiasy Syrtqy ister ministrliginiń Máskeý memlekettik halyqaralyq qatynastar institýtyn (MGIMO) támamdaǵan. PhD doktory.
Eńbek jolyn 2011 jyly L.N. Gýmilev atyndaǵy Eýraziia ulttyq ýniversitetiniń áleýmettik-tárbie jumysy departamentinde jastar uiymdarymen jumys jónindegi bólimniń bas mamany bolyp bastaǵan.
2013–2016 jyldary – L.N. Gýmilev atyndaǵy EUÝ-dyń protokol bóliminiń jetekshi mamany.
2014–2016 jyldary – «Nur Otan» partiiasynyń Astana qalalyq «Nur» filialy tóraǵasynyń birinshi orynbasary.
2016–2018 jyldary – Astana qalasy Jastar saiasaty máseleleri basqarmasynyń basshysy.
2018 jylǵy qańtar–tamyz ailarynda – QR Din isteri jáne azamattyq qoǵam ministrliginiń Jastar saiasaty departamentiniń direktory.
2018–2019 jyldary – QR Qoǵamdyq damý ministrliginiń Jastar jáne otbasy isteri komiteti tóraǵasynyń orynbasary.
2019–2020 jyldary – Pavlodar oblysy ákiminiń orynbasary.
2020–2021 jyldary – QR Aqparat jáne qoǵamdyq damý vitse-ministri.
2021–2022 jyldary – Astana qalasy ákiminiń orynbasary.
2022–2023 jyldary – «Nur Otan», «Amanat» partiiasynyń Atqarýshy hatshysy.
2023 jylǵy 4 qańtarda Prezident Jarlyǵymen Qazaqstan Respýblikasynyń Mádeniet jáne sport ministri bolyp taǵaiyndaldy.
2024–2025 jyldary – Qazaqstan Respýblikasy Prezidenti Ákimshiliginiń Memlekettik inspektory boldy.
