Májilis depýtaty Ashat Aimaǵambetov qaiyrymdylyq qorlarynyń jumysyn qatań baqylaýǵa alý týraly máseleni burynnan qaýzap kele jatqanyn jetkizdi, dep habarlaidy Dalanews.kz.
“Memlekettik qarajattar boiynsha tiisti qorlar bar. Tipti Samuryq-Qazynanyń qaiyrymdylyq baǵytynda jumys isteitin arnaiy qory bar. Meniń oiymsha, birinshi kezekte kvazimemlekettik uiymdardyń qaiyrymdylyqqa jumsaityn qarajatyn qatań baqylaýǵa alǵan jón. Kvazimemlekettik uiymdar qaiyrymdylyqpen ainalysamyn dese — jaqsy, biraq birinshi kezekte ashyqtyq qamtamasyz etilýi qajet”, - dep jaýap berdi ol jýrnalisterdiń qoiǵan suraǵyna.
Aimaǵambetov elde beleń alǵan túrli qorǵa bailanysty Biýdjet kodeksine ózgeris engizý týraly usynys joldaǵanyn da atap ótti.
“Halyqtan jinalatyn qarajatqa qatysty naqty erejeler qajet. Qazaqstandyqtar árdaiym kómek kórsetýge daiyn, biraq muny tek bir qorǵa shektei almaimyz. Qorlardy jabý nemese tyiym salý arqyly máseleni sheshe almaimyz. Sol sebepti júieli retteý qajet. Bul máseleni ǵylymi turǵyda qarastyryp, durys sheshim qabyldaýymyz kerek”, – dep túsindirdi Aimaǵambetov.
Depýtattyń pikirinshe, qaiyrymdylyq salasynda qoǵam tarapynan qadaǵalaý jáne ashyqtyqty qamtamasyz etetin erejeler bolýy shart.
“Men senimdi qorlarǵa ǵana kómektesemin. Sebebi olardyń saittaryna kirip, esepterin qaraimyn. Ár tiynnyń qaida jumsalǵany kórinip tur. Sondyqtan senim bar. Al keibir qorlarǵa senbeitindikten, olarǵa kómek qolyn sozbaimyn. Mysaly, Arýjan Sainnyń qoryn bilemin, al “Biz birgemiz” qory týraly eshqandai aqparat bolǵan joq”, – dedi ol.
Ashat Aimaǵambetov qaiyrymdylyq qorlarynyń jumysyn retteýdi jetildirý máselesin qoǵammen birge talqylap, muqiiat sheshýge shaqyrdy.
Aita keteiik, buǵan deiin májilis depýtaty, AMANAT partiiasy fraktsiiasynyń jetekshisi Elnur Beisenbaev Biz Birgemiz Qazaqstan qaiyrymdylyq qorynyń basshysy Perizat Qairattyń ustalýyna qatysty pikir bildirgen edi.
“Tergeýdiń aiaqtalǵanyn kútýimiz qajet. Mundai isterde asyǵys sheshim shyǵarýǵa bolmaidy. Árbir qaiyrymdylyq qorynyń basshysy halyqtan túsken ár teńge úshin jaýapty”, – dedi depýtat.
Depýtat “Biz Birgemiz” qory men AMANAT partiiasynyń bailanysy bar degen aqparatty joqqa shyǵardy. Aitýynsha, esimi atalǵan azamattar qorda úsh jyl buryn jas volonter retinde qyzmet atqarǵan.
“Pandemiia kezinde biz 600 myń azamatqa kómek kórsettik. Ol kezde qorda jas volonterler, belsendi jastar jumys istedi. Búginde olardyń keibiri belgili bir jetistikterge jetip, laýazymdarǵa ie boldy, al keibiri partiiaǵa múshe bolyp kirdi. Biraq qordyń partiiaǵa resmi bailanysy joq”, – dedi Beisenbaev.
Sonymen qatar depýtat qaiyrymdylyq qorlaryna tosqaýyl qoiýdyń qajeti joq ekenin de atap ótti.
“Mundai qorlardyń jumysy ashyq ári ádil bolýy tiis. Ókinishke qarai, halyq senimin teris paidalanatyndar kezdesedi. Bul tek bir qorǵa qatysty emes, jalpy qoǵamdaǵy másele. Sondyqtan barlyǵyn tekserip, retke keltirý qajet”, – dedi ol.
