Astananyń 20 jyldyq merekesi aiasynda jármeńke ótti
Eki kúndik shara Astana qalasynyń 20 jyldyq merekesine arnaldy. Onda jalpy quny 201,0 mln. teńgeni quraityn 496 tonna aýyl sharýashylyǵy ónimderi usynyldy. Atap aitqanda, 80 tonna et jáne et ónimderi, 141 tonna kókónis, 28 tonna sút ónimderi, 90 tonna baqsha ónimderi, 53 tonna jemis-jidek, 26 tonna kartop, 10 myń dana jumyrtqa, 5 tonna balyq, 4 tonna bal, 10 tonna keptirilgen jemis, 14 tonna túrli konserviler jáne 45 tonna basqa da ónimder bazar narqynan 10-15 paiyz tómen baǵada saýdalandy.
Arzandatylǵan baǵada azyq-túlik satyp alǵan astanalyqtar jármeńke uiymdastyrýshylary men ońtústik óńiriniń sharýalaryna alǵystaryn bildirdi. Shara barysynda Elorda turǵyndary men qonaqtaryna arnalǵan kontserttik baǵdarlama usynyldy.
Túrkistandyq sharýalar Astana qalasynyń 20 jyldyq merekesi aiasynda osymen 4-shi ret jármeńke ótkizip otyr. Osy aralyqta Elordaǵa 14 753 tonnany quraityn aýyl sharýashylyǵy ónimderiniń 28 túrin jóneltildi. Jármeńkeni ótkizýge túrkistandyq 35 iri jáne qosalqy sharýa qojalyqtary men kásiporyndary atsalysqan.
Aita keteiik, biyl túrkistandyq sharýalar 500 myń tonnaǵa jýyq ónimdi Resei, Belarýs, Latviia, Germaniia memleketterine eksporttasa, 1 mln. tonna taýar elimizdiń soltústik óńirlerine jóneltildi.
Oblysta tamshylatyp sýǵarý ádisi jańadan 6 406 gektarǵa endirilip, jalpy aýmaǵy 64,4 myń gektarǵa jetken. Sondai-aq, 126,2 gektar jylyjai salynyp, jalpy kólemi 1285,4 gektarǵa artqan.
Aýyl sharýashylyǵynda negizgi kapitalǵa tartylǵan investitsiialardyń kólemi 9,1 mlrd.teńgeni qurady. Osynyń nátijesinde 8 aida aýyl sharýashylyǵy ónimderiniń jalpy shyǵarylymy 249 056 mln. teńgege jetti. Bul ótken jylǵy tiisti kezeńimen salystyrǵanda 3,6 paiyzǵa artqanyn kórsetedi.
Túrkistan oblysy ákiminiń baspasóz qyzmeti
