Astana ákimdigi infraqurylymdyq nysandardy salý boiynsha júieli jumys júrgizip keledi. Bul nysandar qalany úzdiksiz jylýmen, sýmen jabdyqtaýmen, sý burýmen qamtamasyz etýge múmkindik beredi, – dep málim etti Jeńis Qasymbek.
– Sońǵy eki jylda Astana jylytý maýsymyn alǵash ret jylý profitsitimen ótkizip jatyr. 2023 jyly «Turan» jáne «Ońtústik-Shyǵys» jańa gaz jylý stantsiialarynyń iske qosylýynyń arqasynda JEO-3 birinshi kezeginiń jylý qýaty 30%-ǵa ulǵaidy. Bul qalanyń qajettilikterin tolyǵymen qamtamasyz etýge múmkindik beredi. Mysaly, qazirgi ýaqytta aýanyń ortasha temperatýrasy –10 –15 gradýs bolǵan kezde jylý generatsiiasynyń profitsiti saǵatyna 1200 Gkal quraidy.
Budan basqa, «Telman» gaz jylý stantsiiasynyń qurylysy júrip jatyr, kelesi jyly «Ońtústik-Batys» MTQ qurylysyn bastaimyz, bul qalany 2035 jylǵa deiin jetkilikti jylýmen qamtamasyz etedi, – dedi Astana ákimi.
Astana qalasy ákimi Jeńis Qasymbek jaýapty qyzmetke kirisken kúnnen bastap, bas qaladaǵy kommýnaldyq qyzmettiń jumysyna basa mán berip, bul baǵyttaǵy jumystardyń josparǵa sai júrýin barynsha kóńil bólip keledi. Qala basshysy Jeńis Qasymbek aldaǵy jylytý maýsymyna daiyndyq jumystarynyń josparǵa sáikes júrgiziletinin málimdep, óz baqylaýynda ustaýda. Bul baǵytta ákimdik birqatar mańyzdy jobalar iske asyrǵanyn da bilemiz.
Astana qalasy turǵyndary men áleýmettik nysandaryn jylýmen úzdiksiz qamtamasyz etý óte mańyzdy jumys. Búginde bul baǵyttaǵy jumystardy ákimdik, kommýnaldyq qyzmetter jáne basqa da jaýapty organdardyń úilesimdi is-qimylynyń arqasynda sátti júzege asýda.
Sondai-aq, Astana ákimdigi 2023 jyly úshinshi sorǵy-súzgi stantsiiasynyń (SSS-3) qurylysyn aiaqtap, paidalanýǵa berdi. Ol qalaǵa táýligine 100 myń tekshe metrden astam sý jiberýge múmkindik jasady, sondai-aq Astana sý qoimasynan ekinshi sý qubyrynyń qurylysy aiaqtaldy.
Kelesi jyly Nura jer asty sýlary ken ornynan sý qubyryn salýǵa, sondai-aq Telman sorǵy stantsiiasyn keńeitýge kirisý josparlanyp otyr. Uzaq merzimdi sharalar aiasynda Sátbaev atyndaǵy arnadan jańa sý qubyry jobalanyp otyr. Osy jobalardy iske asyrý 2035 jylǵa deiin qalany turaqty sýmen qamtamasyz etedi.
Sý burý problemasyn sheshý úshin 2025 jyly ónimdiligi táýligine 188 myń tekshe metr KOS-2 qurylysyn bastaý josparlanyp otyr. Sonymen qatar, senimdi sý burý isin qamtamasyz etý maqsatynda eki turǵyn alapta jáne Indýstriialyq park aýdanynda jalpy qosymsha qýaty táýligine shamamen 85 myń tekshe metr bolatyn úsh jergilikti tazartý qurylysynyń jobalary ázirlenip jatyr.
Búginde Astana qalasynyń energetikalyq infraqurylymyn jańǵyrtý úshin zamanaýi jabdyqtar ornatylyp, energiia tiimdiligin arttyrý boiynsha da tiisti sharalar qabyldanýda. Bul jylýdy únemdeýge jáne shyǵyndardy azaitýǵa múmkindik beredi. Eń aldymen qalada energiia tiimdilikti arttyrý úshin jylý berý júieleri jańǵyrtylýda. Qalada ortalyqtandyrylǵan jylý júielerine zamanaýi tehnologiialar engizilip, jylý qubyrlarynyń tozyǵy jetken ýchaskeleri kezeń-kezeńimen aýystyrylýda. Bul jylý shyǵyndaryn azaityp, turǵyn úiler men áleýmettik nysandardy jylýmen úzdiksiz qamtamasyz etýge múmkindik beretini sózsiz.
Sonymen qatar, qaladaǵy qazandyqtar men elektr stantsiialarynda jańa jabdyqtar ornatylyp, olardyń energiia tiimdiligi arta túsken. Budan basqa Astana qalasy kommýnaldyq qyzmet ókilderi bilim berý jáne densaýlyq saqtaý mekemeleri de qatań baqylaýynda. Qalada energiia tiimdilikti arttyrý sharalarynyń tabysty iske asýyna turǵyndar arasynda júrgiziligen aqparattyq-túsindirý jumystary oń áser etken. Sońǵy ýaqyttary Astana qalasy ákimdiginiń qoldaýymen energiia únemdeý mádenietin qalyptastyrý maqsatynda túrli seminarlar men treningter uiymdastyrylýda. Bul rette astanalyqtarǵa turmystyq tehnikany durys paidalaný, jylý júielerin kútip ustaý jáne resýrstardy únemdeý týraly keńester beriledi.
