Astanada 13 sáýirden bastap "Taza Qazaqstan. Astana – tazalyq pen tártiptiń úlgisi" aýqymdy ekologiialyq aktsiiasy bastaldy.
Osy apta "Kieli meken" ataýymen ótip, tarihi-mádeni eskertkishterdiń aýmaǵyn abattandyrý jumystaryna arnalady, dep habarlaidy Dalanews.kz elorda ákimdiginiń resmi saityna silteme jasap.
Ekologiialyq aktsiia sheńberinde Mádeni mura nysandarynyń, eskertkishterdiń jáne olarǵa irgeles aýmaqtardyń qasbetterin retke keltirý boiynsha tazalaý jáne jumystar júrgizilýde. Aktsiiany belsendi turǵyndar, mádeniet qairatkerleri, sportshylar, qoǵamdyq jáne úkimettik emes uiymdar, eriktiler, oqýshylar men stýdentter, "Jas sarbaz" patriottyq qozǵalysynyń músheleri, máslihat depýtattary, Aýǵan soǵysynyń ardagerleri, memlekettik mekemelerdiń qyzmetkerleri jáne basqalar qoldady.
Astanada 50-ge jýyq tarihi jáne mádeni eskertkish pen 33 tarihi ǵimarat bar. Ekoaktsiia aiasynda elordada tarihi-mádeni eskertkishter men ǵimarattardyń aýmaǵyn abattandyrý jáne tazartý boiynsha 40-tan astam is-shara josparlanǵan.
"Elimizde qalalardy abattandyrý men kógaldandyrýǵa baǵyttalǵan úlken ekologiialyq aktsiia uiymdastyryldy. Búgingi aktsiiaǵa aýǵan ardagerleri shette qalmaýǵa sheshim qabyldady jáne belsendi túrde qatysty. Elorda turǵyndary retinde óz úlesimizdi qosyp, qalany retke keltirgimiz keledi", - dedi ardager Sáken Nuryshev.
"Pýt masterstva" qoǵamdyq qorynyń direktory Rahima Muqysheva atap ótkendei, qalany tazartý jónindegi is-sharalar tek igi jáne paidaly is qana emes, sonymen qatar óskeleń urpaqqa úlgi bolyp sanalady.
"Búgin Jeruiyq saiabaǵyn tazalaý uiymdastyryldy. Biz bul is-sharany uzaq kúttik, ásirese bizdiń Qordyń eriktileri, qart adamdar. Biz olarmen birge tazalaýǵa qatysýǵa, qalanyń tazalyǵyna úles qosýǵa keldik. Biz sondai-aq Almaty aýdanynyń turǵyndarymyz. Biz úshin bul saiabaqty taza jáne uqypty ustaý mańyzdy sanalady. Meniń oiymsha, bul óskeleń urpaq úshin úlgi. Osylaisha biz eńbek arqyly jaqsylyq jasap, qýanysh syilai alatynymyzdy kórsetemiz", - dedi Rahima Muqysheva.
Elordada aktsiia jalǵasýda. Oǵan mádeniet mekemeleriniń ujymdary, onyń ishinde teatr jáne kino ártisteri, estrada ókilderi, media salasynyń tulǵalary qatysady. Olar Jazýshylar alleiasyn, "Kerei men Jánibek", Qanysh Sátbaev, Asqar Zabikýlin eskertkishterin jáne olarǵa irgeles aýmaqty retke keltiredi. Tazalaýǵa muǵalimder men oqýshylar, máslihat depýtattary men belsendiler de qosylady.
Esterińizge sala keteiik, elimizde "Taza Qazaqstan"respýblikalyq ekologiialyq aktsiiasy bastaldy. Ár apta belgili bir taqyrypqa arnalǵan.Ekinshi apta "Kieli meken" dep atalady jáne tarihi-mádeni eskertkishterdiń aýmaǵyn abattandyrý jumystaryna arnalǵan.
• 20-27 sáýir aralyǵynda "Jasyl aimaq" aptalyǵy aǵash otyrǵyzýǵa, ekpelerdi aqtaýǵa arnalady.
• 4 mamyrǵa deiingi kezeń "Ónegeli urpaq" dep atalady jáne ardagerlerdiń aýlalary men qarttar úileriniń aýmaqtaryn tazalaýǵa jáne abattandyrýǵa arnalady.
Sońǵy, besinshi aptada "Móldir bulaq" dep atalatyn sý aidyndary – ózender men kólderdiń ainalasy qoqystan tazartylady.
