Astanadan sý tasqynynan zardap shekken óńirlerge 1 myń tonnaǵa jýyq gýmanitarlyq kómek jiberildi,- dep habarlaidy Dalanews.kz.
Búgin elordalyq sportshylardyń, Dene shynyqtyrý jáne sport basqarmasynyń, vedomstvolyq baǵynysty uiymdardyń qyzmetkerleriniń kúshimen taǵy 8 tonna gýmanitarlyq kómek jinalyp, Qostanai oblysyna jiberildi.
Dene shynyqtyrý jáne sport basqarmasynyń basshysy Vasilii Levit áriptesterine qazirgi qiyn jaǵdaida kómek kórsetkeni úshin alǵysyn bildirdi.
«Elimizdiń birneshe óńirinde sý tasqyny bolyp jatyr, qazaqstandyq eriktiler qiyn sátte eshqashan shette qalmady. Bizdiń kóptegen otandastarymyz sý tasqynynan zardap shekkenderge kómektesedi. Astana sportshylary árqashan kómek qolyn sozady. Búgin elordanyń Dene shynyqtyrý jáne sport basqarmasy qyzmetkerleri men vedomstvolyq baǵynysty mekemeler qyzmetkerleriniń qatysýymen Qostanai oblysyna gýmanitarlyq kómek jiberilip jatyr», – dedi Vasilii Levit.
Sondai-aq, elordalyq sportshylar Ilia Ilin, Vasilii Tahtai, Sergei Tsyrýlnikov, Abzal Ajgaliev, Merei Aqshalov, Aitym Jaqypov jáne karate federatsiiasynyń, gimnastika federatsiiasynyń ókilderi sý tasqynynan zardap shekkenderge gýmanitarlyq kómek kórsetýde.
Gýmanitarlyq kómek jinaý áli de jalǵasyp jatyr. Buǵan deiin «AMANAT» partiiasynyń Astana qalalyq filialynyń kúshimen «Jastar Rýhy» jastar qanatymen, «Astana jastary» JRO eriktilerimen birlesip, qala ákimdiginiń, qalalyq máslihat depýtattarynyń, qoǵam qairatkerleriniń, úkimettik emes uiymdardyń, shaǵyn, orta jáne iri biznes ieleriniń qoldaýymen gýmanitarlyq kómek jinalyp, óńirlerge joldandy.
Sonymen qatar, elordalyq Qazaqstan halqy Assambleiasy Dostyq úiiniń bazasynda sý tasqynynan zardap shekken óńirlerdiń turǵyndary úshin gýmanitarlyq kómek jinaý boiynsha áleýmettik aktsiia uiymdastyrdy. Kómek Aqmola jáne Qaraǵandy oblystarynyń turǵyndaryna jetkizildi. Zardap shekkenderge kiim, tamaq, gigiena quraldary, tósek-oryn, ydys-aiaq jáne dári-dármekter jinaldy.
Esterińizge sala keteiik, elordada gýmanitarlyq kómekti qabyldaityn 9 pýnkt jumys isteidi, jiynǵa 30-ǵa jýyq eriktiler uiymy qatysady.
Kún saiyn 200-den astam erikti qajetti zattardy suryptap jiberedi. Jinalǵan kómektiń ishinde kiim, azyq-túlik, gigiena quraldary men aiaq kiim basty oryn alady.
Eriktiler qarjylyq kómekti qabyldamaidy. Niet bildirýshiler jinaý oryndaryna qajetti zattardy jinap, ákele alady.
