Astanalyq medbıke medısına salasyndaǵy shyndyqty aıtty. Onyń beıneúndeýi áleýmettik jelide tarady, – dep habarlaıdy Dalanews.kz.

Onyń aıtýynsha, 5-7 jyldan beri medbıke bolyp jumys istep keledi. Endi ol bul saladan ketkisi keletinin jetkizdi. Astana turǵynynyń sózinshe, munyń sebebi kóp.

"24 táýlik aýysymnan shyǵyp endi úıge kelgenmin, uıyqtaıyn dep jatyrmyn, meni oıatyp aldy. Jumystan habarlasyp jatyr, bir naýqastyń qan qysymy kóterilip ketipti. "Keshe dárisin berdiń be?" deıdi. Kim kináli dep oılaısyzdar? Keshe jumys istegen medbıke", - dedi ol.

Medısına qyzmetkeri naýqastyń qan qysymy joǵary ekenin biletinin, dárilerin bergenin aıtady.

"Mundaı jaǵdaıda únemi dáriger emes, medbıke kináli bolady. Bir adamdy kináli qylyp shyǵarý kerek. Ol - medbıke. Jalaqymyz da az, ortasha eseppen 200 myń teńge kóleminde, Astanada turamyn, Astana boıynsha aıtamyn", - deıdi ol.

Sonymen qatar, ol bir medbıke birneshe adamnyń jumysyn isteıtinin de jetkizdi.

"Bir jerlerde bes adamnyń jumysyn úsh adam istep otyrady", - dedi vıdeodaǵy áıel.