Qalalyq investitsiialar jáne kásipkerlikti damytý basqarmasynyń málimetinshe, 2025 jyldyń alǵashqy jarty jyldyǵynda Elordaǵa shamamen 750 myń týrist kelgen. Bul ótken jylmen salystyrǵanda 9%-ǵa kóp. Onyń ishinde 180 myń – sheteldik qonaqtar, olardyń basym bóligi Resei, Qytai, Túrkiia, AQSh jáne Germaniia elderinen kelgen, dep habarlaidy Dalanews.kz
«Astana mádeniet, sport, meditsina jáne innovatsiialar toǵysatyn alańǵa ainalyp keledi. Týrister tarapynan da, halyqaralyq seriktester tarapynan da qyzyǵýshylyqtyń artqanyn baiqap otyrmyz», – dedi «Astana Tourism» týrizmdi damytý ortalyǵy basqarmasynyń tóraǵasy Artem Kvashýk.
Búginde Astanada 100-den astam týristik nysan bar, onyń ishinde murajailar, teatrlar, galereialar, dini jáne sporttyq ǵimarattar bar. Qonaqtardyń yńǵailylyǵy úshin zamanaýi navigatsiialyq júie engizilip, infokiosk pen ekskýrsiialyq qyzmetter jumys isteidi, tsifrlyq sheshimder iske qosylǵan.
Halyqaralyq áýejaida qonaqtarǵa arnalǵan biregei Taxi Point qyzmeti iske qosyldy – Qazaqstanda alǵash ret mobildi qosymshasyz, táýlik boiy jumys isteitin taksi tapsyrys terminaldary. Bul júie jeti tilde qoljetimdi bolyp, qalaǵa jyldam ári qaýipsiz jetýdi qamtamasyz etedi.
Ekskýrsiialyq baǵyt ta belsendi damyp keledi. 100-den astam baǵytty qamtityn reestr qalyptastyrylǵan, onyń ishinde taqyryptyq, sholý jáne jeke týrlar bar. Maman daiarlaýǵa erekshe kóńil bólinýde: biyldyń ózinde 50 kásibi gid Qazaqstannyń Bas meshiti bazasynda oqý oqyp, ekskýrsiia júrgizýge akkreditatsiia aldy. Buǵan qosa, Qytaidan keletin týristerge qyzmet kórsetý úshin qytai tilin meńgergen 20 ekskýrsovod daiyndaldy.
Týrizmdi damytý strategiiasyn júzege asyrý maqsatynda týristik infraqurylym, qonaq úi biznesi, MICE segmenti jáne gastronomiia men iri is-shara indýstriiasynyń tanymal mamandary kiretin Saraptamalyq keńes quryldy. Keńes innovatsiialyq týristik baǵdarlamalar ázirleýmen jáne salanyń eń joǵary standarttaryna sai strategiia jasaýmen ainalysady.
Elordada iskerlik, is-shara jáne meditsinalyq týrizm baǵyttary damyp keledi. 2024 jyly 128 iri halyqaralyq shara ótkizilse, 2025 jylǵa 200-den astamy josparlanǵan. Olardyń qatarynda 89-shy IFLA Dúniejúzilik kitaphana jáne aqparat kongresi, Astana International Forum, sondai-aq neirohirýrgiia qaýymdastyǵynyń 10-shy halyqaralyq kongresi bar. IFLA kongresine 114 elden 1600-den astam delegat qatysty.
Astananyń mádeni ortalyq retindegi mártebesin jaqynda ótken Jennifer Lopez kontserti de aiqyndady – sharaǵa 30 myńnan astam kórermen jinaldy, olardyń 10 myńy sheteldik týrister boldy. Mastercard derekteri boiynsha, Astanada týristiń táýliktik ortasha shyǵyny 118 myń teńgege jetedi, bul salanyń joǵary ekonomikalyq tiimdiligin kórsetedi.
21 qyrkúiekte ótken Backstreet Boys kontserti de jyldyń eń kóp kórermen jinaǵan sharalarynyń birine ainaldy. Oǵan 45 elden 12 myńnan astam týrist keldi. Olardyń qatarynda Germaniia, Polsha, Frantsiia, Túrkiia, Finliandiia, Litva, Estoniia, Chehiia, Serbiia, Grekiia, Ázerbaijan, Resei, Ózbekstan jáne basqa da memleketter bar.
Biyldan bastap Astanada ónerkásiptik týrizm belsendi damyp keledi. Qazirgi tańda týroperatorlar «Iýtariia» tigin fabrikasyna, «MFA International» respirator zaýytyna, «MODEX» temirbeton qurylymdary zaýytyna, «Aromat» kásipornyna, «StalTsink» zaýytyna jáne Astana elektrotehnikalyq zaýytyna (AETZ) ekskýrsiialar ótkizýde. Týrister Elordanyń ónerkásip sektorynyń tarihymen, zamanaýi damýymen jáne innovatsiialyq áleýetimen tanysady.
Sonymen qatar, bilim berý týrizmi de qarqyndy damýda. Jyl sońyna deiin 12 500-den astam mektep oqýshysy men kolledj stýdenti kásibi baǵdar berý ekskýrsiialaryna qatysyp, bilimin keńeitip, bolashaq mamandyǵyn tańdaýǵa múmkindik alady.
Astanadaǵy jańa ári bolashaǵy zor baǵyttardyń biri – golf-týrizm. Qala alǵash ret halyqaralyq golf alańy retinde týristik ónimin usyna bastady. Osy jyldyń qazan aiynda Úndistannyń jetekshi týroperatorlary úshin infotýr uiymdastyrylyp, olar elordanyń múmkindikterimen tanysyp, golf-týrizm boiynsha týristik paketterdi qalyptastyrady.
Meditsinalyq týrizm de belsendi damyp keledi.
«024 jyly halyqaralyq JCI standarttaryna sai Elordalyq klinikalarda shetelden kelgen 4,5 myńǵa jýyq naýqas sapaly meditsinalyq kómek aldy. Eń kóp suranysqa ie baǵyttar – onkologiia, kardiohirýrgiia, reprodýktivti meditsina jáne check-up baǵdarlamalary», – dep atap ótti A. Kvashýk.
Elorda qonaqtaryna arnalǵan tsifrlyq orta da keńeiýde: týrister 168 nysandy qamtityn aýdiogidteri bar halyqaralyq izi.TRAVEL platformasyn, Astana Pass kartasyn, sondai-aq qalanyń negizgi núktelerindegi navigatsiiany jáne QR-kodtardy paidalana alady.
Barlyq osy bastamalar Astanany álemniń túkpir-túkpirinen keletin týristerdi qabyldaýǵa daiyn, qolaily ári tehnologiialyq qalaǵa ainaldyrady.
