Astana qalasynyń 20 jyldyq merekesine orai uiymdastyrylyp otyrǵan sharaǵa jalpy quny 201 mln. teńgeni quraityn 496 tonna aýyl sharýashylyǵy ónimderi usynylmaq. Onyń ishinde 80 tonna et jáne et ónimderi, 141 tonna kókónis, 28 tonna sút jáne 90 tonna baqsha ónimderi, 53 tonna jemis-jidek, 26 tonna kartop jóneltiledi. Sondai-aq, 10 myń dana jumyrtqa jáne 5 tonna balyq, 4 tonna ásel, 10 tonna keptirilgen jemis, 14 tonna túrli konserviler jáne 45 tonna basqa da ónimder bar.
Oblystyq aýyl sharýashylyǵy basqarmasy basshysynyń mindetin ýaqytsha atqarýshy Nurbek Badyraqovtyń aitýynsha, jármeńkedegi taýarlar bazar narqynan 10-15 paiyz tómen baǵada satylatyn bolady.
Biyl túrkistandyq sharýalar 500 myń tonnaǵa jýyq ónimdi Resei, Belarýs, Latviia, Germaniia memleketterine eksporttasa, 1 mln. tonna taýar elimizdiń soltústik óńirlerine jóneltildi.
Aita keteiik, oblysta tamshylatyp sýǵarý ádisi jańadan 6 406 gektarǵa endirilip, jalpy aýmaǵy 64,4 myń gektarǵa jetken. Sondai-aq, 126,2 gektar jylyjai salynyp, jalpy kólemi 1285,4 gektarǵa artqan.
Aýyl sharýashylyǵynda negizgi kapitalǵa tartylǵan investitsiialardyń kólemi 9,1 mlrd.teńgeni qurady. Osynyń nátijesinde 8 aida aýyl sharýashylyǵy ónimderiniń jalpy shyǵarylymy 249 056 mln. teńgege jetti. Bul ótken jylǵy tiisti kezeńimen salystyrǵanda 3,6 paiyzǵa artqanyn kórsetedi.
Túrkistan oblysy ákiminiń baspasóz qyzmeti
