Astanada politsiia "Kórkem-3" turǵyn úi kesheninde bolǵan órt kezinde arnaiy qyzmetterdiń ótýine kedergi keltirgen kólik iesin jazalady, dep habarlaidy Dalanews.kz.
Politsiianyń málimetinshe, erejeni buza otyryp qoiylǵan kólik oqiǵa ornynan dereý alyp tastalǵan.
"Júrgizýshi anyqtalyp, ákimshilik jaýapkershilikke tartyldy. Azamattardyń qaýipsizdigine qaýip tóndiretin jáne jedel qyzmetterdiń jumysyna kedergi keltiretin áreketter qatań túrde toqtatylady", - dedi Astana PD ókilderi Tengrinews.kz-ke.
Aita keteiik, órt 12 sáýirge qaraǵan túni Astanadaǵy Túrkistan kóshesindegi 21 qabatty úidiń 15-qabatyndaǵy páterde bolǵan. Páterden úsh balanyń máiiti tabyldy. Kúiik alǵan áiel qutqarylyp, aýrýhanaǵa jetkizildi. Joǵarǵy qabattardan 20 adam evakýatsiialandy, taǵy 40-qa jýyq turǵyn óz betimen syrtqa shyqqan.
Órt deregi boiynsha sotqa deiingi tergeý bastalyp, saraptamalar taǵaiyndaldy.
