Astanada jańa maýsym bastalysymen ruqsat etilmegen qoqys úiindilerin joiý jáne orynsyz jerlerde qoqys tógetinderdi jaýapkershilikke tartý boiynsha turaqty negizde belsendi jumys júrgizilýde. Stihiialyq poligondardy joiýǵa tiegishter, samosvaldar jáne basqa da arnaiy tehnika qatysady. Osy jyldyń sáýir aiynda ruqsat etilmegen oryndardan 29 myń tonnaǵa jýyq qoqys shyǵaryldy, dep habarlaidy Dalanews.kz.
Mysaly, Nura aýdanynda 20-dan astam ruqsat etilmegen qoqys oryndary joiyldy (E-128 kóshesi, Zapadnyi saiajai aýmaǵy, Sh.Shoqin kóshesi, 6, Qorǵaljyn tas joly, Uly Dala dańǵyly, Aitmatov kóshesi, Úrker, Hýsein ben Talal kóshesi jáne t. b.). Osy oryndardan 27 myń 300 tonnaǵa jýyq qurylys qoqysy shyǵaryldy.
Saryarqa aýdany Kóktal kóshesinde ruqsat etilmegen qoqys úiindisi anyqtaldy. Osy jerden 600 tonnadan astam qoqys shyǵaryldy. Sondai-aq, Almaty aýdany Qaldaiaqov kóshesinen, Sharbaqty kóshesinen jáne t. b. 1 myń tonnadan astam qoqys tazartyldy.
Aita keteiik, Alash tas jolynyń boiynda ornalasqan elordanyń ekopoligonyna ǵana iri kólemdi, qurylys qoqys túrlerin shyǵarýǵa ruqsat etilgen. Abattandyrý erejelerin buzǵany úshin QR ÁQBtK 505-baby boiynsha ákimshilik aiyppuldar kózdelgen. Sonymen qatar jeke tulǵalar úshin 20 AEK, al kásipkerler úshin 30-dan 100 AEK mólsherinde aiyppul qarastyrylǵan.
2023 jyly 224 ýchaskede ruqsat etilmegen poligondar joiyldy. Qalalyq politsiia departamenti qoqystardy zańsyz shyǵarǵany, jalpy aýmaqtardy lastaǵany jáne arnaiy bólingen oryndardan tys aǵyndy sýlardy aǵyzǵany úshin 30 000-nan astam quqyq buzýshyǵa aiyppul saldy.
Zańsyz poligondardy joiý jumystary jalǵasýda. Onyń ishinde jańa oshaqtardyń paida bolýyna jol bermeý boiynsha sharalar qabyldanýda.
Sondai-aq, elordada aýqymdy ekologiialyq aktsiia jalǵasýda. Onyń sheńberinde ruqsat etilmegen qoqys úiindilerin joiý, qalany sanitarlyq tazartý, nóser jáne aryq káriz jelilerin tazartý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy jinaý jumystary júrgizilýde. Sondai-aq, jasyl jelekterdi kútip-baptaý jáne otyrǵyzý, saýda nysandaryna irgeles aýmaqtardy jinaý jáne t. b. boiynsha maýsymdyq agrotehnikalyq jumystar júrgizilýde.
