Shyrshaǵa az qamtylǵan jáne kóp balaly januıalardan shyqqan, oqýda ozat, túrli sport básekelerinde jetistikke jetken 100-ge jýyq bala qatysty.
Baldyrǵandarǵa arnalǵan túrli qoıylym, múltfılm keıipkerleri jáne sýper qaharmandardyń qatysýymen oıyn-saýyq baǵdarlamasy ázirlendi.
Merekelik sharada Oqý-aǵartý mınıstri Ǵanı Beısembaev Memleket basshysy Qasym-Jomart Toqaevtyń quttyqtaý hatyn oqý, balalarǵa arnaıy syılyqtar tabystady. Arnaıy qapshyqtyń ishinde balalarǵa arnalǵan sómke, aıpad, ensıklopedıa kitaptar toptamasy jáne táttiler bar.
Ár óńirden kelgen balalar 3 kún boıy Astananyń ásem jerlerin aralap, teatrdaǵy túrli qoıylymdardy tamashalaǵan.
Prezıdent shyrshasyn qatysyp jatqan oqýshylardyń da kóńil-kúıi erekshe.
Prezıdent shyrshasy saltanatyna qatysýshylardyń ishinde on jasar Malıka Muhamedjanova da bar.
Soltústik Qazaqstan oblysy Aqqaıyn aýdany Smırnovo aýylyndaǵy №2 mektep-gımnazıasynyń oqýshysy bul shara úshin arnaıy óz qolymen 100 tiri raýshan gúlinen sándi kóılek tigipti.
