شىرشاعا از قامتىلعان جانە كوپ بالالى جانۇيالاردان شىققان، وقۋدا وزات، ءتۇرلى سپورت باسەكەلەرىندە جەتىستىككە جەتكەن 100-گە جۋىق بالا قاتىستى.
بالدىرعاندارعا ارنالعان ءتۇرلى قويىلىم، مۋلتفيلم كەيىپكەرلەرى جانە سۋپەر قاھارمانداردىڭ قاتىسۋىمەن ويىن-ساۋىق باعدارلاماسى ازىرلەندى.
مەرەكەلىك شارادا وقۋ-اعارتۋ ءمينيسترى عاني بەيسەمبايەۆ مەملەكەت باسشىسى قاسىم-جومارت توقايەۆتىڭ قۇتتىقتاۋ حاتىن وقۋ، بالالارعا ارنايى سىيلىقتار تابىستادى. ارنايى قاپشىقتىڭ ىشىندە بالالارعا ارنالعان سومكە، ايپاد، ەنسيكلوپەديا كىتاپتار توپتاماسى جانە تاتتىلەر بار.
ءار وڭىردەن كەلگەن بالالار 3 كۇن بويى استانانىڭ اسەم جەرلەرىن ارالاپ، تەاترداعى ءتۇرلى قويىلىمداردى تاماشالاعان.
پرەزيدەنت شىرشاسىن قاتىسىپ جاتقان وقۋشىلاردىڭ دا كوڭىل-كۇيى ەرەكشە.
پرەزيدەنت شىرشاسى سالتاناتىنا قاتىسۋشىلاردىڭ ىشىندە ون جاسار ماليكا مۇحامەدجانوۆا دا بار.
سولتۇستىك قازاقستان وبلىسى اققايىن اۋدانى سميرنوۆو اۋىلىنداعى №2 مەكتەپ-گيمنازياسىنىڭ وقۋشىسى بۇل شارا ءۇشىن ارنايى ءوز قولىمەن 100 ءتىرى راۋشان گۇلىنەن ءساندى كويلەك تىگىپتى.
