Astanadaǵy oqý ornynda zańsyz kóshi-qon shemasy uiymdastyrylǵan, dep habarlaidy Dalanews.kz.
IIM málimetinshe, kúdikti arnaiy halyqqa qyzmet kórsetý ortalyǵy arqyly jalǵan qujattardy paidalanyp, jaqyn shet elderden kelgen ondaǵan azamatqa Qazaqstanda ýaqytsha turýǵa ruqsatty zańsyz rásimdegen.
"Tintý barysynda daiyn meditsinalyq blankter, mórler, elektron tasymaldaǵyshtar jáne zańsyz qyzmetke qatysty basqa da qujattar tárkilendi, - dedi IIM kriminaldyq politsiia departamentiniń bastyǵy Qanat Nurmaǵambetov.
Odan bólek elordadaǵy oqý oryndarynyń birinde sheteldikterdi zańdastyrý boiynsha osyǵan uqsas qylmystyq shema anyqtaldy. Oqý ornynyń eki qyzmetkeri alys sheteldiń 68-den asa azamatyna jalǵan oqýǵa shaqyrý qujatyn rásimdegen. Kásipkermen sheteldik stýdentterdi tartý týraly jalǵan kelisim jasap, oqý protsesin "qoldan" uiymdastyrǵan. Osy qujattar negizinde shetel azamattary Qazaqstanǵa kelip, zańsyz jumys istegen.
"Bul derekter boiynsha "zańsyz kóshi-qondy uiymdastyrý" babymen sotaldy tergeý amaldary júrgizilip jatyr. Biyl osyndai segiz zańsyz arna anyqtaldy", - dedi Qanat Nurmaǵambetov.
