Jalpy uzyndyǵy 22,4 shaqyrym bolatyn LRT negizgi jelisinde relsterdi tóseý jumystary aiaqtaldy. Bul elordanyń strategiialyq kólik jobasy qurylysyndaǵy negizgi kezeńderdiń biri,- dep habarlaidy Dalanews.kz "City Transportation Systems"-ke silteme jasap.
Barlyǵy №101–118 stantsiia aralyǵynda jáne olardyń aralyqtarynda 89 600 pogondyq metr rels tóseldi. Qazirgi ýaqytta relsterdi dánekerleý júrgizilip jatyr, odan keiin olardyń sońǵy bekitýi bastalady.
"Qurylys barysynda quramynda temir mólsheri joǵary kómirtekti bolattan jasalǵan relster qoldanyldy. Olar jiksiz tóseý tehnologiiasy tásilimen aldyn ala kernelgen shpaldarǵa zamanaýi DTVII2-1 bekitý júiesi arqyly ornatyldy. Aitylǵan tehnologiia jyljymaly quramnyń qozǵalysy kezinde shý men diril deńgeiin edáýir tómendetýge múmkindik beredi. Bul óz kezeginde jolaýshylar men jaqyn mańdaǵy aýdan turǵyndaryna qolaisyz jaǵdai týǵyzbaý úshin jasalǵan", - delingen habarlamada.
Budan ári tótenshe jaǵdailar kezinde jolaýshylardyń qaýipsizdigin qamtamasyz etetin evakýatsiialyq platformalardy ornatý jumystary júrgiziledi.
