جالپى ۇزىندىعى 22،4 شاقىرىم بولاتىن LRT نەگىزگى جەلىسىندە رەلستەردى توسەۋ جۇمىستارى اياقتالدى. بۇل ەلوردانىڭ ستراتەگيالىق كولىك جوباسى قۇرىلىسىنداعى نەگىزگى كەزەڭدەردىڭ ءبىرى،- دەپ حابارلايدى Dalanews.kz "City Transportation Systems"-كە سىلتەمە جاساپ.
بارلىعى №101–118 ستانسيا ارالىعىندا جانە ولاردىڭ ارالىقتارىندا 89 600 پوگوندىق مەتر رەلس توسەلدى. قازىرگى ۋاقىتتا رەلستەردى دانەكەرلەۋ جۇرگىزىلىپ جاتىر، ودان كەيىن ولاردىڭ سوڭعى بەكىتۋى باستالادى.
"قۇرىلىس بارىسىندا قۇرامىندا تەمىر مولشەرى جوعارى كومىرتەكتى بولاتتان جاسالعان رەلستەر قولدانىلدى. ولار جىكسىز توسەۋ تەحنولوگياسى تاسىلىمەن الدىن الا كەرنەلگەن شپالدارعا زاماناۋي DTVII2-1 بەكىتۋ جۇيەسى ارقىلى ورناتىلدى. ايتىلعان تەحنولوگيا جىلجىمالى قۇرامنىڭ قوزعالىسى كەزىندە شۋ مەن ءدىرىل دەڭگەيىن ەداۋىر تومەندەتۋگە مۇمكىندىك بەرەدى. بۇل ءوز كەزەگىندە جولاۋشىلار مەن جاقىن ماڭداعى اۋدان تۇرعىندارىنا قولايسىز جاعداي تۋعىزباۋ ءۇشىن جاسالعان"، - دەلىنگەن حابارلامادا.
بۇدان ءارى توتەنشە جاعدايلار كەزىندە جولاۋشىلاردىڭ قاۋىپسىزدىگىن قامتاماسىز ەتەتىن ەۆاكۋاسيالىق پلاتفورمالاردى ورناتۋ جۇمىستارى جۇرگىزىلەدى.
