Ortalyq kásipkerlerge joba ideiasynan bastap, iske asyrylǵanǵa deiin keshendi qoldaý jasaidy.
Qazirgi tańda Ortalyq alańynda pilot rejiminde 23 kezdesý ótkizildi. Onyń ishinde 13-ine sheteldikter qatysty. Saltanatty ashylýyna QR Syrtqy ister ministriniń orynbasary Nazira Nurbaeva,Kazakh Invest UQ AQ basqarma tóraǵasy Erjan Elekeev,KAZENERGY bas direktory Álibek Qýantyrov, Majarstannyń Qazaqstandaǵy Tótenshe jáne ókiletti elshisi Otto Ivan Rona, sondai-aq, Majarstan men Qytai kompaniialarynyń ókilderi qatysty.
"Aqmola oblysynyń ekonomikalyq áleýetin kóterýge AQMOLA INVEST-tiń ashylýy mańyzdy qadam bolyp otyr. Investorlarmen jumys pen memlekettik qyzmetterdi alý "bir tereze" printsipi boiynsha iske asyrylady. Bul bolsa aimaqtyń investitsiialyq imidjin ármen qarai jaqsy qalyptastyrýǵa kómektesedi" deidi oblys ákimi Marat Ahmetjanov.
Sonymen birge Ortalyq alańynda birlesip jumys istep, investitsiialyq jobalardy iske asyrýǵa jalpy somasy 76 mlrd teńge bolatyn birqatar kelisimge qol qoiyldy. Mysaly vengriialyq Globalia LTD kompaniiasy Arshaly aýdanynda kómirtekti eginshilik negizinde aýyl sharýashylyǵy tehnologiialyq parkin qurýǵa niet bildirip otyr. Aqmola oblysynda QTQ óńdeý zaýyttarynyń qurylysyna qytailyq Beijing Ruiheyuan Construction Engineering Co.Ltd. kompaniiasy investitsiia salatyn boldy.
Osy investitsiialyq jobalar iske asyrylsa, qosymsha jumys oryndary ashylyp, oblys biýdjeti aitarlyqtai tolyǵady. Sondai-aq, Arshaly aýdanynda Respýblikalyq mańyzy bar Aqmola indýstriialyq aimaǵy quryldy, ol alda ozyq óndiristik alańǵa ainalady. ZhasTol-Stroy kásiporny avtoklavty gazdalǵan beton shyǵaratyn zaýyt salýdy josparlap otyr. Budan bólek, KAZENERGY munai-gaz jáne energetika kesheni uiymdarynyń qazaqstandyq qaýymdastyǵy Aqmola oblysynyń ákimdigimen ornyqty damý salasyndaǵy yntymaqtastyq jónindegi memorandýmǵa qol qoidy.
