ورتالىق كاسىپكەرلەرگە جوبا يدەياسىنان باستاپ، ىسكە اسىرىلعانعا دەيىن كەشەندى قولداۋ جاسايدى.
قازىرگى تاڭدا ورتالىق الاڭىندا پيلوت رەجيمىندە 23 كەزدەسۋ وتكىزىلدى. ونىڭ ىشىندە 13-ىنە شەتەلدىكتەر قاتىستى. سالتاناتتى اشىلۋىنا ق ر سىرتقى ىستەر ءمينيسترىنىڭ ورىنباسارى نازيرا نۇربايەۆا،Kazakh Invest ۇق اق باسقارما ءتوراعاسى ەرجان ەلەكەيەۆ،KAZENERGY باس ديرەكتورى الىبەك قۋانتىروۆ، ماجارستاننىڭ قازاقستانداعى توتەنشە جانە وكىلەتتى ەلشىسى وتتو يۆان رونا، سونداي-اق، ماجارستان مەن جۇڭگو كومپانيالارىنىڭ وكىلدەرى قاتىستى.
"اقمولا وبلىسىنىڭ ەكونوميكالىق الەۋەتىن كوتەرۋگە AQMOLA INVESTء-تىڭ اشىلۋى ماڭىزدى قادام بولىپ وتىر. ينۆەستورلارمەن جۇمىس پەن مەملەكەتتىك قىزمەتتەردى الۋ "ءبىر تەرەزە" ءپرينسيپى بويىنشا ىسكە اسىرىلادى. بۇل بولسا ايماقتىڭ ينۆەستيسيالىق ءيميدجىن ارمەن قاراي جاقسى قالىپتاستىرۋعا كومەكتەسەدى" دەيدى وبلىس اكىمى مارات احمەتجانوۆ.
سونىمەن بىرگە ورتالىق الاڭىندا بىرلەسىپ جۇمىس ىستەپ، ينۆەستيسيالىق جوبالاردى ىسكە اسىرۋعا جالپى سوماسى 76 ملرد تەڭگە بولاتىن ءبىرقاتار كەلىسىمگە قول قويىلدى. مىسالى ۆەنگريالىق Globalia LTD كومپانياسى ارشالى اۋدانىندا كومىرتەكتى ەگىنشىلىك نەگىزىندە اۋىل شارۋاشىلىعى تەحنولوگيالىق پاركىن قۇرۋعا نيەت ءبىلدىرىپ وتىر. اقمولا وبلىسىندا قتق وڭدەۋ زاۋىتتارىنىڭ قۇرىلىسىنا قىتايلىق Beijing Ruiheyuan Construction Engineering Co.Ltd. كومپانياسى ينۆەستيسيا سالاتىن بولدى.
وسى ينۆەستيسيالىق جوبالار ىسكە اسىرىلسا، قوسىمشا جۇمىس ورىندارى اشىلىپ، وبلىس بيۋدجەتى ايتارلىقتاي تولىعادى. سونداي-اق، ارشالى اۋدانىندا رەسپۋبليكالىق ماڭىزى بار Aqmola يندۋستريالىق ايماعى قۇرىلدى، ول الدا وزىق وندىرىستىك الاڭعا اينالادى. ZhasTol-Stroy كاسىپورنى اۆتوكلاۆتى گازدالعان بەتون شىعاراتىن زاۋىت سالۋدى جوسپارلاپ وتىر. بۇدان بولەك، KAZENERGY مۇناي-گاز جانە ەنەرگەتيكا كەشەنى ۇيىمدارىنىڭ قازاقستاندىق قاۋىمداستىعى اقمولا وبلىسىنىڭ اكىمدىگىمەن ورنىقتى دامۋ سالاسىنداعى ىنتىماقتاستىق جونىندەگى مەموراندۋمعا قول قويدى.
