Sonymen, "Azıa Park" SOO-da aptasyna úsh ret turmystyq tehnıka, ıaǵnı shańsorǵyshtar, jyldam qyzdyratyn peshter, mıkserler, tosterler, kofeqaınatqyshtar sekildi túrli baǵaly syılyqtardyń utys oıyny ótkiziledi. Budan basqa kompúterlik tehnıka — prınterler, USB fleshkileri men kompúterlik tintýirler, sondaı-aq kıim men aıaq kıimge arnalǵan jeńildik syılyq sertıfıkattary oınatylady.
"Mega Silk Way" SOO-da vaksınany alǵannan keıin ákimshilik muz aıdynyna barýǵa sertıfıkattar beredi, ol bir jyl boıy jaramdy. Al Actual Optic brend ónimderin satyp alýǵa 10% jeńildik usynady.
Marrone Rosso mekemesi jáne SADU meıramhanasy vaksınasıalanǵandarǵa kofe men krýasandar beredi.
"Saryarqa" SOO-da vaksına alǵan azamattarǵa "Kostúm" dúkeninen kıim jáne Actual Optic dúkeniniń ónimin satyp alýǵa 5-ten 10% - ǵa deıin qosymsha jeńildik beriledi, sondaı-aq SOO ákimshiligi 5 myń teńgeniń kýponyn syılaıdy.
Kinopark kınoteatrlar jelisi bılet satyp alýǵa jeńildik beredi.
"Abý-Dabı Plaza" SOO-da kosmetıka satyp alýǵa 5-ten 30%-ǵa deıin jáne fýd-kort ónimine 10%-ǵa deıin qosymsha jeńildikter qarastyrylǵan.
"Kerýen" SOO vaksına alǵan kezde fýd-korttarda tegin tamaq beredi.
"Eýrazıa" SOO-da halyqty vaksınasıalaý naýqanyn qoldaý úshin kásipkerler Glasman markaly kostúmderi men CORNER19 brendtik ónimderine 5%-ǵa deıin qosymsha jeńildik usynady.
Búgingi tańda Nur-Sultanda vaksınalardyń birinshi komponentin 185 myńnan astam adam aldy, ekinshisi — 134 myńnan astam adam.
Koronavırýstyq pandemıa júrip jatqanyn umytpańyz, qalada kún saıyn 250-300 jańa naýqas tirkeledi. Qaýipti vırýspen kúresýdiń jalǵyz tıimdi ádisi — halyqty jappaı vaksınasıalaý arqyly ujymdyq ımýnıtetti damytý. Qazirgi epıdemıologıalyq jaǵdaıdy eskere otyryp, qala turǵyndary men qonaqtary sanıtarlyq-epıdemıologıalyq normalar men sanıtarlyq dárigerlerdiń usynystaryn qatań saqtaýy kerek.
