Astanada aýqymdy ekologıalyq aksıany ótkizý barysynda turǵyndar ujymmen tazalaýǵa belsendi qatysqan úzdik aýlalar anyqtaldy, dep habarlaıdy Dalanews.kz elorda ákimdiginiń resmı saıtyna silteme jasap.
Saryarqa aýdanynda Tilendıev kóshesi, 41/1-úı turǵyndarynyń "Úzdik aýla" gramotasymen marapattaldy.
Nura aýdanynda 5 aýla úzdik atandy, olar: “Madrıd” TK, “Sıtıleık” TK, “Jaǵalaý” TK 4, “Kopengagen” TK, “Mechta” TK.
Esil aýdanynda Uly dala dańǵyly boıyndaǵy, 54-úıdiń aýlasy, "EXPO Plaza-a” TK MIB, Qabanbaı batyr dańǵyly, 40-úı boıynsha"Infınıtı-1" MIB, Saýran kóshesi, 5 úı boıyndaǵy "Saýran 5" MIB "Úzdik aýla" ataǵyn jeńip aldy.
Baıqońyr aýdanynda "Úzdik aýla" ataǵyna "Sezam" PIK (Kenesary kóshesi, 51), "Kampýs-2021" MIB (Jubanov kóshesi, 10A) jáne "Tulpar" PIK (Pýshkın kóshesi, 7) ıe boldy.
"Úzdik aýla" ataǵy Almaty aýdany boıynsha "Tursyn Astana" TK turǵyndaryna berildi. Aksıany ótkizý barysynda osy aýlada aýlanyń kishkentaı patrıottary úshin qyzyqty oıyndar men konkýrstarmen anımatorlardyń qoıylymdary uıymdastyryldy.
Turǵyndar jaqsy atmosferany uıymdastyryp qana qoımaı, birlesip palaý da daıyndady. 5 aýdanda ekoaksıa barysynda osy okrýgterden qalalyq máslıhat depýtattary da qatysty.
Esterińizge sala keteıik, Astanada 13 sáýirden beri "Taza Qazaqstan. Astana – tazalyq pen tártiptiń úlgisi" aýqymdy ekologıalyq aksıa bastaldy. Oǵan qala turǵyndary, eńbek ujymdary, memlekettik organdardyń qyzmetkerleri, shaǵyn jáne orta bıznes sýbektileri (bazarlar, saýda-oıyn-saýyq ortalyqtary, kafeler, meıramhanalar jáne basqalar), eriktiler, oqýshylar men stýdentter, MIB (PIK) jáne basqalar qatysýda.
Ekologıalyq aksıa bes apta boıy jalǵasady jáne belgili bir taqyrypqa arnalady. Aǵymdaǵy apta "Taza ólke" degen atpen ótýde.
