Júrgizýshi kýáligin alýǵa arnalǵan praktikalyq emtihandy sátti tapsyrǵan Astana turǵynynyń nátijesi tehnikalyq aqaýǵa bailanysty joiyldy, dep habarlaidy dalanews.kz.
Málimetke sáikes, emtihan tapsyrýshy barlyq tapsyrmany oryndap, 40 aiyppul upaiyn jinaǵan. Bul praktikalyq emtihandy sátti tapsyrǵanyn kórsetedi. Alaida marshrýt sońynda GPS júiesi márege jetkenin tirkemegen.
Keiinnen resmi akt jasalyp, onda apparattyq-baǵdarlamalyq keshende tehnikalyq aqaý bolǵany rastalǵan. Soǵan qaramastan emtihan nátijesi joiylyp, úmitkerge qaita tirkelýdi kútý usynylǵan.
«Azamattarǵa arnalǵan úkimet» memlekettik korporatsiiasynyń málimetinshe, tekserý barysynda oqiǵanyń mán-jaiy, beinebaqylaý jazbalary jáne apparattyq-baǵdarlamalyq keshenniń tehnikalyq jai-kúii zerdelengen.
Tekserý qorytyndysy boiynsha oqiǵaǵa tehnikalyq aqaý sebep bolǵany rastaldy.
Jumys keńesiniń qorytyndysymen qyzmet kórsetýshi «Radiks kompaniialar toby» JShS-ne anyqtalǵan aqaýlardy úsh jumys kúni ishinde joiý jáne keshenniń turaqty jumysyn qamtamasyz etý tapsyryldy.
Sonymen qatar memlekettik korporatsiianyń Astana qalasyndaǵy filialyna praktikalyq emtihan ótkizýge qatysty jekelegen uiymdastyrý rásimderin qaita qaraý, sondai-aq mundai jaǵdailardyń qaitalaný qaýpin azaitý jáne memlekettik qyzmettiń úzdiksiz kórsetilýin qamtamasyz etý jóninde qosymsha sharalar qabyldaý júkteldi.
