Sot úkimimen bilik ókiline qatysty kúsh qoldanǵany úshin úsh adam sottaldy, dep habarlaidy Dalanews.kz.
Astana prokýratýrasynyń málimetinshe, quqyq qorǵaý organynyń tergeýshisi memlekettik ortalyq organdardyń biriniń laýazymdy tulǵalary men JShS basshylyǵyna qatysty jymqyrý faktisi boiynsha qylmystyq isti tergep, kompaniianyń aktivterin buǵattaǵan.
"Onyń qyzmettik mindetterin oryndaǵany úshin kek alý maqsatynda sottalǵan úsh adam tergeýshige shabýyl jasaýdy uiymdastyrǵan. Qylmystyq nietterin iske asyrý barysynda olar jábirlenýshiniń turǵylyqty mekenjaiyna baryp, úiiniń kireberisinde oǵan shabýyl jasaǵan", - delingen málimette.
Sotta memlekettik aiyptaýshy shabýyl jasaǵandardyń kinásin tolyq dáleldedi.
Sot úkimimen shabýyldyń uiymdastyrýshysy 5 jylǵa bas bostandyǵynan aiyrylyp, qalǵan eki qatysýshy sáikesinshe 4 jáne 3 jylǵa bas bostandyǵynan aiyryldy.
Úkim zańdy kúshine endi.
