Astanada tanymal saýda ortalyǵynyń burynǵy qyzmetkerleri 450 mln teńgeden astam taýardy jymqyrǵan, dep habarlaidy Dalanews.kz.
IIM málimetinshe, qylmystyq top saýda jelisiniń burynǵy qyzmetkerlerimen kelise otyryp, elektrondyq satý júiesine zańsyz kirý múmkindigin paidalanyp, eki jyl ishinde jalpy somasy 450 mln teńgeden astam taýardy urlaǵan.
Qylmystyq jolmen alynǵan tehnika elemizdiń birneshe qalalarynda satylǵan.
20-dan astam tintý is-sharalary ótkizildi, 120-dan astam túrli tehnika, onyń ishinde belgili óndirýshilerdiń ondaǵan uialy telefondary, iri kólemde aqsha, travmatikalyq tapanshalar jáne ártúrli kalibrli patrondar tárkilendi.
"Sotqa deiingi tergep-tekserý asa iri mólsherdegi urlyq jáne alaiaqtyq faktileri boiynsha júrgizilip jatyr", - dedi IIM uiymdasqan qylmysqa qarsy kúres departamentiniń ókili Qýandyq Alpys.
