Astanada Qaiym Muhamedhanov atyndaǵy №90 gimnaziiada erekshe bilim berýdi qajet etetin oqýshylarǵa arnalǵan inkliýziiany qoldaý kabineti ashyldy,- dep habarlaidy Dalanews.kz elorda ákimdiginiń resmi saityna silteme jasap.
Bul ortalyqtyń maqsaty – erekshe bilimdi qajet etetin oqýshylardy qoldap, áleýmettik ortaǵa qalyptasý úshin múmkindik jasaý. Sondai-aq olardyń mektepke beiimdelýine, oqý protsesine tolyqqandy qatysýyna, qaýipsiz ortada teń dárejede bilim alýyna jaǵdai týǵyzý.
Erekshe bilim berýdi qajet etetin oqýshylarmen logoped, defektolog, mektep psihologtary,pedagog-assistentter túrli baǵytta jumystar júrgizedi. Ashylǵan kabinet - logo massajy, tilashar, aqyldy aina, usaq motorikalarymen jumys isteýge qolaily oryn.
Jańa ortalyq «Samuryq-Qazyna» JShS qorynyń demeýshiligimen ashyldy.
Esterińizge sala keteiik, qyrkúiek aiynda elordadaǵy №22, 36, 59, 76 jáne 97 mektepterde jańa formattaǵy kabinetter alǵash ret ashyldy. Astanadaǵy inkliýziia kabinetterine qalada turatyn mektep jasyndaǵy erekshe qajettilikteri bar balalardyń shamamen 16%-y qatysady. Jalpy elordada erekshe qajettilikteri bar 21 107 bala bar.
