استانادا قايىم مۇحامەدحانوۆ اتىنداعى №90 گيمنازيادا ەرەكشە ءبىلىم بەرۋدى قاجەت ەتەتىن وقۋشىلارعا ارنالعان ينكليۋزيانى قولداۋ كابينەتى اشىلدى،- دەپ حابارلايدى Dalanews.kz ەلوردا اكىمدىگىنىڭ رەسمي سايتىنا سىلتەمە جاساپ.
بۇل ورتالىقتىڭ ماقساتى – ەرەكشە ءبىلىمدى قاجەت ەتەتىن وقۋشىلاردى قولداپ، الەۋمەتتىك ورتاعا قالىپتاسۋ ءۇشىن مۇمكىندىك جاساۋ. سونداي-اق ولاردىڭ مەكتەپكە بەيىمدەلۋىنە، وقۋ پروسەسىنە تولىققاندى قاتىسۋىنا، ءقاۋىپسىز ورتادا تەڭ دارەجەدە ءبىلىم الۋىنا جاعداي تۋعىزۋ.
ەرەكشە ءبىلىم بەرۋدى قاجەت ەتەتىن وقۋشىلارمەن لوگوپەد، دەفەكتولوگ، مەكتەپ پسيحولوگتارى،پەداگوگ-اسسيستەنتتەر ءتۇرلى باعىتتا جۇمىستار جۇرگىزەدى. اشىلعان كابينەت - لوگو ماسساجى، ءتىلاشار، اقىلدى اينا، ۇساق موتوريكالارىمەن جۇمىس ىستەۋگە قولايلى ورىن.
جاڭا ورتالىق «سامۇرىق-قازىنا» ج ش س قورىنىڭ دەمەۋشىلىگىمەن اشىلدى.
ەستەرىڭىزگە سالا كەتەيىك، قىركۇيەك ايىندا ەلورداداعى №22، 36، 59، 76 جانە 97 مەكتەپتەردە جاڭا فورماتتاعى كابينەتتەر العاش رەت اشىلدى. استاناداعى ينكليۋزيا كابينەتتەرىنە قالادا تۇراتىن مەكتەپ جاسىنداعى ەرەكشە قاجەتتىلىكتەرى بار بالالاردىڭ شامامەن 16%-ى قاتىسادى. جالپى ەلوردادا ەرەكشە قاجەتتىلىكتەرى بار 21 107 بالا بار.
