Astana qalasynyń ákimi Jeńis Qasymbek elordany sýmen qamtý máselesine qatysty Instagram paraqshasynda jazba jariialady,- dep habarlaidy Dalanews.kz
Ákimniń aitýynsha, qala halqynyń jyl saiynǵy ósimine sáikes tirshilikti qamtamasyz etý nysandarynyń qýaty josparly túrde arttyrylýda. Qazirdiń ózinde gaz jylý stantsiialarynyń qurylysy esebinen elordanyń jylý qýaty kóbeiip, jańa nysandar paidalanýǵa berilýde. Sonymen qatar jańa qosalqy elektr stantsiialary salynyp, qoldanystaǵy nysandar jańǵyrtylyp jatyr.
Jeńis Qasymbek 2023 jyly kóktemde sý tapshylyǵy baiqalǵanyn eske saldy. Osy máseleni sheshý úshin jazda jańa sý qubyry men úshinshi sorǵy-súzgi stantsiiasy (SSS-3) iske qosylǵan. Qazirgi ýaqytta qalada qýat tapshylyǵy joq, aldaǵy jyldarǵa jetkilikti qor bar.
Ákimniń aitýynsha, qosymsha turaqty sýmen qamtamasyz etý maqsatynda birneshe joba qolǵa alynǵan:
-
«Telman» sorǵy stantsiiasynda tehnikalyq sý qubyry salynýda. Joba tolyq iske asqanda stantsiia táýligine 160 myń m³ sý berýge qaýqarly bolady;
-
Nura jerasty sý ornynda jańa sý qubyry júrgiziledi;
-
Q.Sátbaev atyndaǵy arnadan jańa sý qubyry men tórtinshi sorǵy-súzgi stantsiiasy (SSS-4) salynyp jatyr. Onyń qýaty táýligine 210 myń m³ bolady. Bul joba 2035 jylǵa deiin qala turǵyndaryn taza aýyz sýmen qamtamasyz etýge múmkindik beredi;
-
Sondai-aq Hýsein ben Talal kóshesinen Syǵanaq kóshesine deiingi sý qubyrynyń qurylysy jobalanýda. Ol Turan dańǵylynyń batysyndaǵy aýdandy sýmen qamtidy.
«Astanadaǵy sý tapshylyǵyn boldyrmaý úshin josparly ári uzaqmerzimdi sharalar qabyldanyp jatyr», – dep jazdy qala ákimi.
