استانا قالاسىنىڭ ەكٸمٸ جەڭٸس قاسىمبەك ەلوردانى سۋمەن قامتۋ مەسەلەسٸنە قاتىستى Instagram پاراقشاسىندا جازبا جارييالادى,- دەپ حابارلايدى Dalanews.kz
ەكٸمنٸڭ ايتۋىنشا, قالا حالقىنىڭ جىل سايىنعى ٶسٸمٸنە سەيكەس تٸرشٸلٸكتٸ قامتاماسىز ەتۋ نىساندارىنىڭ قۋاتى جوسپارلى تٷردە ارتتىرىلۋدا. قازٸردٸڭ ٶزٸندە گاز جىلۋ ستانتسييالارىنىڭ قۇرىلىسى ەسەبٸنەن ەلوردانىڭ جىلۋ قۋاتى كٶبەيٸپ, جاڭا نىساندار پايدالانۋعا بەرٸلۋدە. سونىمەن قاتار جاڭا قوسالقى ەلەكتر ستانتسييالارى سالىنىپ, قولدانىستاعى نىساندار جاڭعىرتىلىپ جاتىر.
جەڭٸس قاسىمبەك 2023 جىلى كٶكتەمدە سۋ تاپشىلىعى بايقالعانىن ەسكە سالدى. وسى مەسەلەنٸ شەشۋ ٷشٸن جازدا جاڭا سۋ قۇبىرى مەن ٷشٸنشٸ سورعى-سٷزگٸ ستانتسيياسى (سسس-3) ٸسكە قوسىلعان. قازٸرگٸ ۋاقىتتا قالادا قۋات تاپشىلىعى جوق, الداعى جىلدارعا جەتكٸلٸكتٸ قور بار.
ەكٸمنٸڭ ايتۋىنشا, قوسىمشا تۇراقتى سۋمەن قامتاماسىز ەتۋ ماقساتىندا بٸرنەشە جوبا قولعا الىنعان:
-
«تەلمان» سورعى ستانتسيياسىندا تەحنيكالىق سۋ قۇبىرى سالىنۋدا. جوبا تولىق ٸسكە اسقاندا ستانتسييا تەۋلٸگٸنە 160 مىڭ م³ سۋ بەرۋگە قاۋقارلى بولادى;
-
نۇرا جەراستى سۋ ورنىندا جاڭا سۋ قۇبىرى جٷرگٸزٸلەدٸ;
-
ق.سەتباەۆ اتىنداعى ارنادان جاڭا سۋ قۇبىرى مەن تٶرتٸنشٸ سورعى-سٷزگٸ ستانتسيياسى (سسس-4) سالىنىپ جاتىر. ونىڭ قۋاتى تەۋلٸگٸنە 210 مىڭ م³ بولادى. بۇل جوبا 2035 جىلعا دەيٸن قالا تۇرعىندارىن تازا اۋىز سۋمەن قامتاماسىز ەتۋگە مٷمكٸندٸك بەرەدٸ;
-
سونداي-اق حۋسەين بەن تالال كٶشەسٸنەن سىعاناق كٶشەسٸنە دەيٸنگٸ سۋ قۇبىرىنىڭ قۇرىلىسى جوبالانۋدا. ول تۇران داڭعىلىنىڭ باتىسىنداعى اۋداندى سۋمەن قامتيدى.
«استاناداعى سۋ تاپشىلىعىن بولدىرماۋ ٷشٸن جوسپارلى ەرٸ ۇزاقمەرزٸمدٸ شارالار قابىلدانىپ جاتىر», – دەپ جازدى قالا ەكٸمٸ.
