Respýblıka kúnine oraı jáne «Adal azamat» biryńǵaı tárbıe baǵdarlamasy aıasynda Memlekettik rámizder alańynda aýqymdy fleshmob ótti, oǵan qatysýshylar «Atameken» ánin oryndady, dep habarlaıdy Dalanews.kz.
İs-sharaǵa elordalyq mektepterdiń 1500-den astam oqýshysy qatysty.
Fleshmob óskeleń urpaqtyń boıynda azamattyq biregeılikti, táýelsiz Qazaqstannyń Memlekettik rámizderi men dástúrlerin qurmetteýdi qalyptastyrýǵa baǵyttalǵan.
Oryndaý barysynda qatysýshylar Qazaqstannyń jas býynynyń birligi, dostyǵy men ashyqtyǵynyń sımvoly - ashyq alaqan beınesin jasap, bes qatarǵa turdy.
Sonymen qatar Astananyń barlyq mektepterinde osyndaı fleshmobtar ótti, oqýshylar «Meniń Qazaqstanym» aksıasyn qoldap, patrıottyq kompozısıany oryndady.
Esterińizge sala keteıik, 25 qazanda Qazaqstanda Ulttyq mereke — Respýblıka kúni atap ótiledi. Osy aıtýly merekege oraı, Astanada 150-ge jýyq mádenı-buqaralyq, bilim berý, sporttyq jáne áleýmettik is-sharalar josparlanǵan, olardyń arasynda merekelik konsertter, kórmeler, dóńgelek ústelder, ulttyq sport túrleri boıynsha týrnırler jáne taǵy basqalar bar.
