Astanada sanitarlyq tazalyq pen abattandyrý talaptaryn buzǵan qurylys kompaniialary anyqtaldy, dep habarlaidy dalanews.kz.
«Taza Qazaqstan» respýblikalyq ekologiialyq aktsiiasy aiasynda elorda aýmaǵynda sanitarlyq tazalyqty saqtaý, abattandyrý talaptarynyń oryndalýyn qamtamasyz etý jáne qoǵamdyq oryndardaǵy tártipti baqylaý jumystary turaqty júrgizilip jatyr.
Jyl basynan beri reidtik is-sharalar barysynda 30 myńnan astam quqyq buzýshylyq anyqtalǵan.
Kezekti baqylaý barysynda qurylys jumystaryn júrgizgen merdiger uiym jumysty aiaqtaǵannan keiin qurylys qaldyqtary men qoqysty aýmaqtan ýaqytyly shyǵarmaǵany anyqtaldy. Sonyń saldarynan qaldyqtar qorshaǵan ortaǵa keri áser etip, aýmaqtyń sanitarlyq jaǵdaiy buzylǵan.
Osy fakti boiynsha merdiger uiym jaýapkershilikke tartyldy. Quqyq buzýshylyq anyqtalǵannan keiin jaýapty tulǵalarǵa aýmaqty qysqa merzimde tiisti jaǵdaiǵa keltirý tapsyryldy. Nátijesinde merdiger uiym barlyq qoqys pen qurylys qaldyqtaryn jinap, tolyq shyǵardy jáne aýmaq tazartyldy.
Taǵy bir baqylaý is-sharasy kezinde qurylys kompaniiasynyń abattandyrý jáne sanitarlyq tazalyq talaptaryn saqtamaǵany anyqtaldy.
«Atap aitqanda, qurylys nysanyna irgeles aýmaqta qurylys materialdary men qaldyqtary jinalǵan, al aýmaqtyń ózi tiisti sanitarlyq jaǵdaida ustalmaǵan. Osy fakti boiynsha qurylys kompaniiasyna qatysty ákimshilik hattama toltyryldy», – dep habarlady politsiia.
Politsiia buǵan deiin de qurylys uiymdarynyń nysandarǵa irgeles aýmaqtardy tiisinshe kútpegeni úshin ákimshilik sharalar qabyldanǵanyn habarlaǵan.
Quqyq qorǵaý organdary abattandyrý jáne sanitarlyq tazalyq talaptaryn buzýǵa jol berilmeitinin eskertti. Árbir kásipkerlik sýbektisi men uiym ózine bekitilgen aýmaqtyń tazalyǵyna jaýapty.
