Elordada vandalizm áreketteri men qoǵamdyq tártipti buzýshylyqtarǵa qarsy júieli kúres júrgizilýde. Kezekti tártip buzýshylardy politseiler anyqtap, jazalady,- dep habarlaidy Dalanews.kz
Baiqońyr aýdanyndaǵy Ýálihanov kóshesinde belgisiz adamdar aialdama pavilonynyń terezesin syndyrǵan. Tekserý barysynda kúdikti anyqtaldy, ol – 37 jastaǵy er adam. Onyń mas kúiinde qala múlkin ádeii búldirgeni belgili boldy. Sot sheshimimen quqyq buzýshy 10 táýlikke qamaýǵa alyndy.
Jyl basynan beri 160 adam ákimshilik jaýapkershilikke tartyldy, onyń ishinde 93-i qamaýǵa alynyp, 67 adamǵa jalpy somasy 10 466 780 teńge aiyppul salyndy.
Aita keteiik, qala múlkin búldirgeni úshin zań boiynsha jaýapkershilik qarastyrylǵan. Aialdamalardy, oryndyqtardy, shaǵyn sáýlet nysandaryn jáne basqa da infraqurylym nysandaryn zaqymdaý qalaǵa shyǵyn keltirip qana qoimai, turǵyndardyń jaily ómirine kedergi jasaidy.
Ótken jyldan beri Astanada «Stop, vandal» aktsiiasy aiasynda profilaktikalyq jumys júrgizilip keledi. Bul bastamany eriktiler, belsendiler, tanymal sportshylar jáne qala turǵyndary qoldady.
Aktsiianyń maqsaty – vandalizmniń kez kelgen kórinisine jol bermeý jáne elordada tazalyq pen tártipti saqtaý.
«Zań jáne tártip» qaǵidaty aiasynda qalalyq politsiia prokýratýramen birlese otyryp vandalizmge qarsy belsendi jumys júrgizip keledi.
Bótenniń múlkin qasaqana joiý nemese búldirý 60 AEK-ke deiingi aiyppulmen ne 30 táýlikke deiingi qamaýmen jazalanady.
