Astanada "Qazaqstan - Túrkiia dostyq áýenderi" kontserti ótedi
Biyl Qazaqstan Respýblikasynyń táýelsizdigine jáne Qazaqstan men Túrkiia arasyndaǵy ekijaqty qatynastardyń ornaǵanyna 25 jyl tolady. Ózderińiz biletindei, Qazaqstandy alǵash tanyǵan memleket baýyrlas Túrkiia boldy.
Qazaq eliniń táýelsizdik merekesine orai Túrkiia Respýblikasynyń Qazaqstan Respýblikasyndaǵy Elshiligi, Iýnýs Emre atyndaǵy túrik mádeniet ortalyǵy jáne Túrik yntymaqtastyq jáne úilestirý agenttiginiń (TIKA) Astana koordinatorlyǵy birlese otyryp úlken tartý jasamaqshy. 26 -27 qazanda Astana qalasynda «Túrkiia kúnderi» ótedi.
Iýnýs Emre atyndaǵy túrik mádeniet ortalyǵynyń málimdeýinshe, Astana halqy men qonaqtary «Túrkiia kúnderi» aiasynda 26 qazan kúni saǵat 19.00-da KazMedia Kinokontsert zalynda «Qazaqstan –Túrkiia dostyq áýenderi» atty kontsertti tamashalai alady.
Kontsertke Túrkiia Respýblikasynyń Mádeniet jáne týrizm ministrligine qarasty «Ankara Túrki álemi mýzykalyq ansambli» arnaiy merekelik repetýar daiyndap, ásem qala Astana jurtyn túrik áýenine bóleidi. 2 saǵatqa sozylatyn merekelik kontsertte túrik ánderi jáne bilerimen qosa Anadoly jurtynan keletin ónerpazdar qazaqsha shyǵarmalar da oryndaidy
Sharaǵa Qazaqstannan tanymal ánshiler Kámshat Joldybaeva, Dimash Qudaibergenov, Gúlnur Orazymbetova jáne «Hanzada» toby qatysady. Qazaqstandyq ónerpazdar túrikshe, Túrkiialyq ónerpazdar qazaqsha shyǵarmalar oryndaidy.
Atap ótý kerek, kontserttik shara aqysyz negizde bolady. Taǵy bir aita ketetin jáit, kontsertke kelgen kórermender arasynda qolma -qol lotoreia oinatylyp, Túrik áýe joldary Ystambul qalasyna baryp qaitý bileti usynady. Sondai –aq smartfon da lotoreiaǵa tigiledi. Jeńimpazdardy anyqtaý maqsatynda kontsertten buryn lotoreia bileti taratylyp, sátti nomerler kontsert kezinde anyqtalady.
«Túrkiia kúnderi» aiasynda budan tys qazannyń 27-nde «Osmanly dáýirindegi sarai kiimderi defilesi» ótpekshi. Defilede Túrkiianyń Adana qalasynda ornalasqan Qyzdar tehnikalyq qol óner ýchilishesi daiyndaǵan Osmanly dáýirinde saraida kiilgen kiim úlgileri kórsetiledi. Atalǵan oqý orny stilisteri 40 kiim úlgisinen turatyn toptama daiyndaǵan. Bul toptama Ystambuldaǵy Topkapy jáne Dolmabahche Saraiynda saqtalǵan ǵasyrlyq kiimder negizge alyna otyryp tigilgen.
Astana halqy men qonaqtaryn 26 qazanda bolatyn «Qazaqstan –Túrkiia dostyq áýenderi» kontsertin tamashalaýǵa shaqyramyz.
Kúni: 26 qazan 2016
Ótetin orny: Astana, Qonaev kóshesi №4, «KazMedia» kino jáne kontsert zaly
Kirý tegin.
BAǴDARLAMA
19:00 Ashylý rásimi 19:10 Kontsert 20:30 Sertifikat tapsyrý rásimi
BAILANYS: 8 777 533 91 30
