Is-sharaǵa Astana qalasy ákimdiginiń janyndaǵy áielder isteri jáne otbasylyq-demografiialyq saiasat jónindegi komissiia músheleri, memlekettik organdardyń ókilderi, máslihat depýtattary, BAQ qyzmetkerleri qatysty.
Otyrysty Astana qalasy ákimi orynbasary, atalǵan komissiia tóraǵasy Eset Baiken ashyp, baiandamashylarǵa sóz kezegin berdi. Aldymen, 2023 jylǵa arnalǵan jobalar men memlekettik áleýmettik tapsyrys qorytyndylary talqylandy.
Astana qalasynyń Jumyspen qamtý jáne áleýmettik qorǵaý basqarmasynyń basshysy Ilia Skýb atalǵan basqarma 2023 jylǵa arnalǵan memlekettik áleýmettik tapsyrystardyń taqyryptaryn bekitip, 2023 jylǵa 5 áleýmettik joba josparlanǵany jaily aityp ótti.
Astana qalasy Ishki saiasat basqarmasynyń basshysy Nurdáýlet Álmuhanov óz sózinde áielderdi kóshbasshylyqqa úiretý baǵytyndaǵy memlekettik áleýmettik tapsyrystar aiasyndaǵy jobalarǵa toqtaldy.
– Aldymen, biyl áleýmettik memlekettik tapsyrystyń aiasynda qolǵa alynǵan 11 tapsyrystyń 3-eýi otbasy institýyn nyǵaitýǵa arnalǵan jobalar ekenin aityp ótkim keledi. Birinshi joba tatýlastyrý ortalyǵyn qurýǵa baǵyttaldy. Otbasynda týyndaǵan daýlardy mediatsiia áleýetin paidalana otyryp sheshý maqsatynda uzaq merzimdi 3 jyldyq joba júzege asyrylýda.
Búgingi tańda joba ekinshi jyly júzege asyrylýda. Ortalyq Astana qalasynyń sottarymen jáne mediatsiia ortalyǵymen tyǵyz bailanysta ózara jumys isteýde. Qańtar-qarasha ailary aralyǵynda otbasylyq janjaldar boiynsha 300-ge jýyq azamattyq-psihologiialyq súiemeldeý kórsetildi.
Olardyń ishinde 180 áielge ishki ister organdarymen birlesip turmystyq zorlyq-zombylyq boiynsha profilaktikalyq jumys júrgizildi. 29 otbasy mediatsiia arqyly tatýlasty, – dedi Astana qalasy Ishki saiasat basqarmasynyń basshysy.
Mamandar 32 azamatpen áńgimelesip, keiin ońaltý kýrsyna ótken. Psihologiialyq jábirlenýden saqtaý, túrli kómek kórsetý maqsatynda 26 azamatqa zańnama negizinde keńes berildi. Daǵdarys ortalyǵyna 3 áiel ornalastyryldy. Joba aiasynda qalalyq sottarmen birlese otyryp, oqý seminarlary uiymdastyrylyp jatqanyn Ishki saiasat basqarmasynyń basshysy tilge tiek etti.
Sondai-aq, atalǵan joba aiasynda áielderdiń saiasi ómirdegi belsendiligin arttyrýǵa yqpal etip, genderdik mádeniettiń qalyptasýy úshin keshendi is-sharalar júrgizýde.
Osydan keiin otyrysta áielderge qatysty zorlyq-zombylyqty joiý úshin halyqaralyq kúres kúnine arnalǵan jyl saiynǵy «Zorlyq-zombylyqsyz 16 kún» naýqanyn uiymdastyrý, áleýmettik az qamtylǵan otbasylardan shyqqan balalardy qosymsha bilimmen, sport sektsiialarymen jáne úiirmelermen qamtamasyz etýge baǵyttalǵan biýdjettik baǵdarlamanyń iske asyrylýy siiaqty máselelerge taldaý jasaldy.
Taqyryptarǵa bailanysty otyrysqa qatysýshy ózge de basqarmalar basshylary men Astana qalasy ákimdiginiń janyndaǵy áielder isteri jáne otbasylyq-demografiialyq saiasat jónindegi komissiia músheleri sóz sóiledi.
