Astanada qoǵamdyq tártipti saqtaý sharalary kúsheitildi. Qala kóshelerine qosymsha politsiia jasaqtary men Ulttyq ulan áskeri qyzmetkerleri shyqty, dep habarlaidy dalanews.kz.
Resmi málimetke súiensek, kúsheitilgen baqylaý mańyzdy qoǵamdyq-saiasi is-sharalar qarsańynda uiymdastyrylǵan. Negizgi maqsat - jeke quramnyń qoǵamdyq tártipti saqtaý, jol qaýipsizdigin qamtamasyz etýge daiyndyǵyn tekserý.
Qaladaǵy patrýldeý jumystaryna politsiia qyzmetkerleri men Ulttyq ulan sarbazdary tartylǵan. Quqyqbuzýshylyqtyń aldyn alýǵa, jol qaýipsizdigin baqylaýǵa jáne adam kóp jinalatyn oryndardaǵy qaýipsizdikti qamtamasyz etýge erekshe nazar aýdarylyp otyr.
Aita keteiik, 28-29 mamyr kúnderi Astanada Joǵary Eýraziialyq ekonomikalyq keńestiń kezekti otyrysy men V Eýraziialyq ekonomikalyq forým ótedi.
