14 naýryzda Qazaqstanda Naýryz meıramyna arnalǵan Naýryznamanyń onkúndigi bastalady. Osy 10 kún ishinde Astanada 200-den astam aýqymdy is-shara – konsertter, kórmeler, spektáklder, shyǵarmashylyq keshter ótedi,- dep habarlaıdy Dalanews.kz 

14 naýryz - Kórisý kúni

14 naýryzda Kórisý kúni atap ótiledi. Osy kúnniń qurmetine №3 buqaralyq kitaphanada «Kóristim barsha qazaqpen» tarıhı-aǵartý keshi ótedi. Dostyq úıinde «Uly Elimizdiń Kórisý kúni – Amal merekesi» atty is-shara ótedi. Sol kúni M.Ótemisov atyndaǵy Oqýshylar saraıynda «Dostyq kerýeni» ulttyq mádenı festıvali, al ál-Farabı atyndaǵy Oqýshylar saraıynda «Naýryz shashý» teatr marafony uıymdastyrylady.

15 naýryz - Qaıyrymdylyq kúni

15 naýryz Qaıyrymdylyq kúnine arnalǵan. Onyń qurmetine 14 naýryz kúni saǵat 11:00-de «Sharapat» áleýmettik qyzmet kórsetý ortalyǵynda «Naýryz-Dýman» qaıyrymdylyq konsertimen «Naz» memlekettik bı teatrynyń ártisteri óner kórsetedi. Erteńinde munda merekelik is-shara uıymdastyrylyp, «Igi ister marafony» men «Jaqsylyq jasa» aksıasy bastalady. Bul kúni eriktiler ardagerler men jalǵyzbasty zeınetkerlerdiń úılerine baryp, olarǵa «Igi ister marafony» aksıasy aıasynda azyq-túlik sebetterin taratady. Sondaı-aq, elordada «Ǵajaıyp sandyq» aksıasy uıymdastyrylady, onyń aıasynda balalar úılerine, qarttar úılerine jáne aýrýhanalarǵa arnaıy jáshikter qoıylady. Muqtajdar oǵan qajetti syılyqty (tamaq, kıim, oıynshyq nemese kitap) jaza alady, sodan keıin bul zattar mesenattardyń esebinen satyp alynyp, taratylady. Dostyq úıinde 15 naýryzda «Janashyrlyq pen qamqorlyq – elimizdiń tiregi» qaıyrymdylyq aksıasy josparlanyp otyr. «Balam-aı» ortalyǵynda «Áz-Naýryz» qaıyrymdylyq konserti daıyndalyp otyr. Sol kúni «Baqytty Shańyraq» QQ tárbıelenýshilerine arnalǵan qaıyrymdylyq spektaklin «Sintez» izdestirý-eksperımenttik teatry kórsetedi.

15 naýryzdan bastap «Nurly júrek» áleýmettik qyzmet kórsetý ortalyǵynda «Jyl basy» shyǵarmashylyq kórmesi ashylady.

16 Naýryz - Otbasy kúni

16 Naýryz – otbasylyq qundylyqtardyń rólin nasıhattaıtyn Otbasy kúni. Saǵat 11:00-de «Báıterek» monýmentinde saltanatty rásim ótedi, onda jas jubaılarǵa neke týraly kýálik beriledi, al altyn mereıtoıyn atap ótken erli-zaıyptylar mereıtoılar kitabyna engiziledi. Osy ýaqytta L.Gýmılev atyndaǵy Eýrazıa ulttyq ýnıversıtetinde jas jazýshylar arasynda «Armysyń, Áz-Naýryz» festıvali ótedi.

Saǵat 10:00-de Saryarqa aýdanynda «Berekeli shańyraq» is-sharasy aıasynda 25-50 jyl nekede turǵan otbasylar quttyqtaıtyn bolady. Qalalyq perınataldyq ortalyqta «Naýryz bazarlyq» dástúri aıasynda jańa bosanǵan analardy quttyqtaıdy.

Bul kúni Kásiptik-tehnıkalyq kolejde jas otbasylar arasynda sporttyq estafeta ótedi. Qatysýshylar ulttyq oıyndar boıynsha jarysady: arqan tartý, asyq, toǵyzqumalaq jáne t.b.

16 naýryzda «Nura» Belsendi uzaq ómir súrý ortalyǵynda úlgili urpaq tárbıelegen otbasylar úshin mádenı is-shara ótedi.

16 naýryz kúni saǵat 15:00-de Mýzykalyq jas kórermen teatrynda «Baqytty shańyraq ıeleri» atty shyǵarmashylyq jas otbasylarymen kezdesý uıymdastyrylady.

17 naýryz - Mádenıet jáne ulttyq dástúrler kúni 

17-21 naýryz aralyǵynda paralımpıadalyq jattyǵý ortalyǵynda «Naýryz meıramyna» (toǵyzqumalaq, asyq atý, arqan tartý, armrestlıng) arnalǵan ulttyq sport túrleri boıynsha týrnır ótedi.

18 naýryz - Ulttyq kıim kúni

18 naýryz «Naýryznama» onkúndiginiń bir bóligi Ulttyq kıim kúnine arnalǵan. Osynyń qurmetine 15 - 18 naýryz aralyǵynda «Han Shatyr» SOO-da «Ulttyq kıimiń – ulttyń sáni» jármeńkesi ótedi.

Saǵat 10.00-den 18.00-ge deıin Sáken Seıfýllın murajaıynda Ulttyq kıim kúnine oraı murajaıǵa kelýshiler úshin Ulttyq formada ekskýrsıalar ótkiziledi.

Saǵat 12:00-de E.Rahmadıev atyndaǵy Memlekettik akademıalyq fılarmonıada ulttyq kıimmen fleshmob uıymdastyrylady.

Sonymen qatar, №2 balalar kitaphanasynda «Áz-Naýryz – jańarý men jańǵyrýdyń bastaýy» fólklor saǵaty daıyndalyp otyr.

Saǵat 14:00-de №8 kópshilik kitaphanada «Qosh keldiń, Áz-Naýryz» atty merekelik oıyn baǵdarlamasy uıymdastyrylady.

Saǵat 15:00-de Ulttyq mýzeıde «Eń ádemi kıim – ulttyq kıim» etnofestıvali ótedi. M. Ótemisov atyndaǵy Oqýshylar saraıynda jasóspirimder arasynda «Jigit sultany» respýblıkalyq baıqaýy, al Qazaqstan jeńil atletıkalyq sport kesheninde «Qamajaı» fleshmoby ótedi. Bul bıdi qalanyń 112 mektebiniń 15 pen 17 jas aralyǵyndaǵy qyzdar oryndaıdy.

19 naýryz – Jańarý kúni

Barlyq aýdanda «Taza Qazaqstan. Astana – tazalyq pen tártiptiń úlgisi» ekologıalyq aksıasy ótedi.

Sol kúni Temirjol turǵyn alabynda «Jas talanttar-2025» qolóner baıqaýy ótedi. «Danalyq» joǵary medısınalyq kolejinde «Umytylǵan ulttyq taǵamdar» ulttyq taǵam festıvali ótedi. Saǵat 12:00-de №1 balalar kitaphanasynda «Naýryz – bereke men dástúr merekesi!» is-sharasy ótedi.

20 naýryz - Ulttyq sport kúni

20 naýryzda ulttyq sport kúni atap ótiledi. Onyń qurmetine «Nurly júrek» áleýmettik qyzmet kórsetý ortalyǵynda «Ulttyq oıyndar» sporttyq jarysy ótedi.

20 naýryzda Belsendi uzaq ómir súrý ortalyǵynda Esil aýdanynyń zeınetkerleri arasynda Toǵyzqumalaq ulttyq oıynynan jarys ótedi.

«Nura» dene shynyqtyrý-saýyqtyrý kesheninde ulttyq sport túrlerinen týrnır uıymdastyrylady.

«Qazaqstan» jeńil atletıkalyq sport kesheninde bul kúni «Uly dala oıyndary» otbasylyq estafetasy (asyq atý, bes asyq, arqan tartý, láńgi tebý, sadaq atý) ótedi. «Arǵymaq» at-sporttyq saýyqtyrý kesheninde ulttyq oıyndardan (teńge ilý, sadaq atý, qyz qýý, kókpar, asyq atý, qusbegilik, atqa miný dástúri) qoıylymdaryn tamashalaýǵa bolady.

21 naýryz – Birlik pen yntymaqtastyq kúni

Saǵat 17:00-de QR QK Ulttyq áskerı-patrıottyq ortalyǵynda «Dostyq sazy» qazaq orkestriniń konserti ótedi.

21 jáne 22 naýryzda saǵat 12:00 jáne 16:30-da Qýyrshaq teatry «Naýryz-Dýman» qýyrshaq shoýyna shaqyrady.

Osy kúnderi qalanyń barlyq aýdanynda «Naýryz meıramy» merekesine oraı turǵyndar arasynda ulttyq sport túrleri boıynsha jarystar ótedi. Sonyń ishinde Astanada mereke qurmetine «Walking Football» týrnıri ótedi. Elordalyq Dostyq úıinde «Qosh keldiń, Áz-Naýryz» atty is-shara uıymdastyrylady.

22 naýryz – Jyl basy

Bul kúni Beıbitshilik jáne kelisim saraıynda «Naýryz syılyǵy» is-sharasy ótedi. Saǵat 18:00-de Mýzykalyq jas kórermen teatrynda «Abaı-Toǵjan» spektakli ótedi.

23 naýryz – Tazartý kúni. Bul kúni tańǵy saǵat 9-dan bastap «Qamqor» áleýmettik qyzmet kórsetý ortalyǵynda aýmaqty qardan tazartý júrgiziledi. Saǵat 10:00-de elordalyq teatr ujymdary ekoaksıaǵa shyǵyp, óz ǵımarattarynyń mańyn tazartady.

23 naýryzda saǵat 20:30-dan 21:30-ǵa deıin Astana «Jer Saǵaty» halyqaralyq ekologıalyq aksıasyn qoldaıdy. «Jer saǵaty» – Dúnıejúzilik jabaıy tabıǵat qorynyń (WWF) qoldaýymen jyl saıynǵy halyqaralyq is-shara, oǵan álemniń túkpir-túkpirinen 2 mıllıardtan astam adam qatysady. Aksıanyń maqsaty – jer betindegi tabıǵat pen resýrstarǵa jaýapkershilikpen qaraý, qajettiligine nazar aýdarý.

Bul kúni elordanyń barlyq aýdanynda tazalyq estafetasy aıasynda «Tazartý» jalpyulttyq ekologıalyq aksıasy ótedi, Jańa jyldy jańa maqsattarmen qarsy alýdyń sımvoly retinde aýlalardy qar men qoqystan tazartý boıynsha is-sharalar uıymdastyrylady.