Elordanyń barlyq aýdandarynda 18 naýryzdan bastap veıp pen nasybaıdyń zańsyz taralýy men qoldanylýyn anyqtaý boıynsha reıdter júrgizilýde. Reıdtik is-sharalardyń 2 aıynda myńdaǵan saýda núkteleri tekserildi, shekpeıtin temeki ónimderin, onyń ishinde nasybaı óndirisi boıynsha jerasty sehtarynyń júzdegen faktisi anyqtaldy, , – dep habarlaıdy Dalanews.kz Astana qalasy ákiminiń baspasóz qyzmetine silteme jasap.

Jedel profılaktıkalyq is-sharalardy aýdandyq ákimdikterdiń qyzmetkerleri Astana qalasy polısıa departamentiniń jergilikti polısıa qyzmetiniń qyzmetkerlerimen birlesip júrgizedi. Reıdter jeke kásipkerlik nysandaryn-saýda ortalyqtaryn, azyq-túlik dúkenderin qamtıdy.

İs-shara qorytyndysy boıynsha Saryarqa aýdanynda reıd bastalǵannan beri 400-den astam jeke kásipkerlik nysany qamtyldy. 60-tan astam buzýshylyq anyqtalyp, jalpy aıyppul somasy 4 mln teńgeden asatyn 30 kelige jýyq nasvaı tárkilendi.

Esil aýdany boıynsha júrgizilgen reıdterdiń qorytyndysy boıynsha 94 buzýshylyq anyqtaldy, onyń ishinde:

- Nasybaıdy satýdyń 19 faktisi. Barlyq fakt boıynsha QR ÁQBtK-niń 196-baby boıynsha 25 AEK mólsherinde aıyppul túrinde ákimshilik jaza qoldanyla otyryp, ákimshilik hattamalar jasaldy;

- Temeki ónimderin, onyń ishinde qyzdyrylatyn temekisi bar ónimderdi, kalánǵa arnalǵan temekini, kalán qospasyn, temekini jylytýǵa arnalǵan júıelerdi, elektrondyq tutyný júıeleri men olar úshin suıyqtyqtardy tutynýǵa tyıym salýdy buzýdyń 69 faktisi. Quqyq buzýshylarǵa aıyppul túrinde ákimshilik jaza qoldanyldy;

- Jıyrma bir jasqa tolmaǵan adamdarǵa temeki ónimderin satýdyń 6 faktisi. QR ÁQBtK-niń 423-1-baby boıynsha 15 AEK mólsherinde aıyppul túrinde ákimshilik jaza qoldanylyp, ákimshilik hattama jasaldy.

İs-sharalar barysynda Nura aýdanynda Asfendıarov, Ánet baba, Syǵanaq, Baǵlanova, Nárikbaev, Muhamedhanov, Otyrar, E-15 kósheleri, Uly dala, Turan dańǵyldary jáne Úrker MJK kóshelerinde ornalasqan 207 dúkende nasvaı men snústi zańsyz satý boıynsha profılaktıkalyq túsindirý jumystary júrgizildi. Nátıjesinde 10 dúken ákimshilik quqyq buzýshylyq týraly kodekstiń (ÁQBtK) 196-babyna sáıkes 25 aılyq eseptik kórsetkish (AEK) mólsherinde aıyppul salýmen ákimshilik jaýapkershilikke tartyldy.

Baıqońyr aýdany boıynsha osyndaı jumystar J.Omarov, A. Imanov, Kenesary, A. Ianýshkeevıch, Sh. Ýálıhanov, A. Sembınov, Otyrar, M. Lermontov, Alash, Syrdarıa, S. Seıfýllın, A. Jangeldın kóshelerinde ornalasqan 235 kásipkerlik nysanynda júrgizildi.

Reıd nátıjesinde 8 satý núktesiniń ıeleri Ákimshilik quqyq buzýshylyq týraly kodekstiń (ÁQBtK) 196-babyna sáıkes 25 aılyq eseptik kórsetkish (AEK) mólsherinde aıyppul salýmen ákimshilik jaýapkershilikke tartyldy, sondaı-aq 5 orynda zańsyz saqtaý anyqtaldy jáne shamamen 4 tonna nasvaı tárkilendi.

Almaty aýdany boıynsha 200-den astam nysan zertteldi. Reıd qorytyndysy boıynsha 64 buzýshylyq faktisi anyqtaldy:

- Shekpeıtin temeki ónimderin satýdyń 42 faktisi (nasybaı). Barlyq fakt boıynsha QR ÁQBtK-niń 196-baby boıynsha 25 AEK mólsherinde aıyppul túrinde ákimshilik jaza qoldanyla otyryp, ákimshilik hattamalar jasaldy;

- Mekemelerde temeki ónimderin (kalán) tutynýdyń 21 faktisi, QR ÁQBtK 441-baby boıynsha ákimshilik hattamalar jasaldy, 15 AEK mólsherinde aıyppul túrinde ákimshilik jaza qoldanyldy.

- Jıyrma bir jasqa tolmaǵan adamdarǵa temeki ónimderin satýdyń 1 faktisi. QR ÁQBtK-niń 423-1-baby boıynsha 15 AEK mólsherinde aıyppul túrinde ákimshilik jaza qoldanylyp, ákimshilik hattama jasaldy.

Esterińizge sala keteıik, Astanada 14 tonna nasybaı tárkilendi, onyń quny 70 mln teńgeden asady.

Tárkilengen barlyq ónim joıyldy. Sondaı-aq, reıdter barysynda shekpeıtin temeki ónimderin satýǵa jol bermeý týraly shaǵyn jáne orta bıznes ıelerimen profılaktıkalyq áńgime júrgizildi.