ەلوردانىڭ بارلىق اۋداندارىندا 18 ناۋرىزدان باستاپ ۆەيپ پەن ناسىبايدىڭ زاڭسىز تارالۋى مەن قولدانىلۋىن انىقتاۋ بويىنشا رەيدتەر جۇرگىزىلۋدە. رەيدتىك ءىس-شارالاردىڭ 2 ايىندا مىڭداعان ساۋدا نۇكتەلەرى تەكسەرىلدى، شەكپەيتىن تەمەكى ونىمدەرىن، ونىڭ ىشىندە ناسىباي ءوندىرىسى بويىنشا جەراستى سەحتارىنىڭ جۇزدەگەن فاكتىسى انىقتالدى، ، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
جەدەل پروفيلاكتيكالىق ءىس-شارالاردى اۋداندىق اكىمدىكتەردىڭ قىزمەتكەرلەرى استانا قالاسى پوليسيا دەپارتامەنتىنىڭ جەرگىلىكتى پوليسيا قىزمەتىنىڭ قىزمەتكەرلەرىمەن بىرلەسىپ جۇرگىزەدى. رەيدتەر جەكە كاسىپكەرلىك نىساندارىن-ساۋدا ورتالىقتارىن، ازىق-تۇلىك دۇكەندەرىن قامتيدى.
ءىس-شارا قورىتىندىسى بويىنشا سارىارقا اۋدانىندا رەيد باستالعاننان بەرى 400-دەن استام جەكە كاسىپكەرلىك نىسانى قامتىلدى. 60-تان استام بۇزۋشىلىق انىقتالىپ، جالپى ايىپپۇل سوماسى 4 ملن تەڭگەدەن اساتىن 30 كەلىگە جۋىق ناسۆاي تاركىلەندى.
ەسىل اۋدانى بويىنشا جۇرگىزىلگەن رەيدتەردىڭ قورىتىندىسى بويىنشا 94 بۇزۋشىلىق انىقتالدى، ونىڭ ىشىندە:
- ناسىبايدى ساتۋدىڭ 19 فاكتىسى. بارلىق فاكت بويىنشا ق ر اقبتك-نىڭ 196-بابى بويىنشا 25 اەك مولشەرىندە ايىپپۇل تۇرىندە اكىمشىلىك جازا قولدانىلا وتىرىپ، اكىمشىلىك حاتتامالار جاسالدى؛
- تەمەكى ونىمدەرىن، ونىڭ ىشىندە قىزدىرىلاتىن تەمەكىسى بار ونىمدەردى، كاليانعا ارنالعان تەمەكىنى، كاليان قوسپاسىن، تەمەكىنى جىلىتۋعا ارنالعان جۇيەلەردى، ەلەكتروندىق تۇتىنۋ جۇيەلەرى مەن ولار ءۇشىن سۇيىقتىقتاردى تۇتىنۋعا تىيىم سالۋدى بۇزۋدىڭ 69 فاكتىسى. قۇقىق بۇزۋشىلارعا ايىپپۇل تۇرىندە اكىمشىلىك جازا قولدانىلدى؛
- جيىرما ءبىر جاسقا تولماعان ادامدارعا تەمەكى ونىمدەرىن ساتۋدىڭ 6 فاكتىسى. ق ر اقبتك-نىڭ 423-1-بابى بويىنشا 15 اەك مولشەرىندە ايىپپۇل تۇرىندە اكىمشىلىك جازا قولدانىلىپ، اكىمشىلىك حاتتاما جاسالدى.
ءىس-شارالار بارىسىندا نۇرا اۋدانىندا اسفەندياروۆ، انەت بابا، سىعاناق، باعلانوۆا، نارىكبايەۆ، مۇحامەدحانوۆ، وتىرار، ە-15 كوشەلەرى، ۇلى دالا، تۇران داڭعىلدارى جانە ۇركەر مجك كوشەلەرىندە ورنالاسقان 207 دۇكەندە ناسۆاي مەن ءسنيۋستى زاڭسىز ساتۋ بويىنشا پروفيلاكتيكالىق ءتۇسىندىرۋ جۇمىستارى جۇرگىزىلدى. ناتيجەسىندە 10 دۇكەن اكىمشىلىك قۇقىق بۇزۋشىلىق تۋرالى كودەكستىڭ (اقبتك) 196-بابىنا سايكەس 25 ايلىق ەسەپتىك كورسەتكىش (اەك) مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى.
بايقوڭىر اۋدانى بويىنشا وسىنداي جۇمىستار ج.وماروۆ، ا. يمانوۆ، كەنەسارى، ا. يانۋشكەيەۆيچ، ش. ءۋاليحانوۆ، ا. سەمبينوۆ، وتىرار، م. لەرمونتوۆ، الاش، سىرداريا، س. سەيفۋللين، ا. جانگەلدين كوشەلەرىندە ورنالاسقان 235 كاسىپكەرلىك نىسانىندا جۇرگىزىلدى.
رەيد ناتيجەسىندە 8 ساتۋ نۇكتەسىنىڭ يەلەرى اكىمشىلىك قۇقىق بۇزۋشىلىق تۋرالى كودەكستىڭ (اقبتك) 196-بابىنا سايكەس 25 ايلىق ەسەپتىك كورسەتكىش (اەك) مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى، سونداي-اق 5 ورىندا زاڭسىز ساقتاۋ انىقتالدى جانە شامامەن 4 توننا ناسۆاي تاركىلەندى.
الماتى اۋدانى بويىنشا 200-دەن استام نىسان زەرتتەلدى. رەيد قورىتىندىسى بويىنشا 64 بۇزۋشىلىق فاكتىسى انىقتالدى:
- شەكپەيتىن تەمەكى ونىمدەرىن ساتۋدىڭ 42 فاكتىسى (ناسىباي). بارلىق فاكت بويىنشا ق ر اقبتك-نىڭ 196-بابى بويىنشا 25 اەك مولشەرىندە ايىپپۇل تۇرىندە اكىمشىلىك جازا قولدانىلا وتىرىپ، اكىمشىلىك حاتتامالار جاسالدى؛
- مەكەمەلەردە تەمەكى ونىمدەرىن (كاليان) تۇتىنۋدىڭ 21 فاكتىسى، ق ر اقبتك 441-بابى بويىنشا اكىمشىلىك حاتتامالار جاسالدى، 15 اەك مولشەرىندە ايىپپۇل تۇرىندە اكىمشىلىك جازا قولدانىلدى.
- جيىرما ءبىر جاسقا تولماعان ادامدارعا تەمەكى ونىمدەرىن ساتۋدىڭ 1 فاكتىسى. ق ر اقبتك-نىڭ 423-1-بابى بويىنشا 15 اەك مولشەرىندە ايىپپۇل تۇرىندە اكىمشىلىك جازا قولدانىلىپ، اكىمشىلىك حاتتاما جاسالدى.
ەستەرىڭىزگە سالا كەتەيىك، استانادا 14 توننا ناسىباي تاركىلەندى، ونىڭ قۇنى 70 ملن تەڭگەدەن اسادى.
تاركىلەنگەن بارلىق ءونىم جويىلدى. سونداي-اق، رەيدتەر بارىسىندا شەكپەيتىن تەمەكى ونىمدەرىن ساتۋعا جول بەرمەۋ تۋرالى شاعىن جانە ورتا بيزنەس يەلەرىمەن پروفيلاكتيكالىق اڭگىمە جۇرگىزىلدى.
