Astanadaǵy amfıteatrda elordalyq polıseıler Halyqaralyq nashaqorlyqpen kúres kúni aıasynda «Esirtkimen bolashaq joq!» atty aksıa ótkizdi,- dep habarlaıdy Dalanews.kz

İs-sharaǵa elordalyq jastar, eriktiler, memlekettik organdardyń ókilderi, tanymal sportshylar men qoǵam belsendileri, blogerler qatysty.

«Bul kún qoǵam nazaryn nashaqorlyqtyń ǵalamdyq problemasyna, onyń saldaryna jáne ony jeńýge baǵyttalǵan kúsh-jigerge aýdarýǵa arnalǵan. Esirtkini tutyný jáne olardyń zańsyz aınalymy búkil álemde mıllıondaǵan adamnyń densaýlyǵy men ál-aýqatyna eleýli áser etedi. Búgingi aksıa aıasynda quqyq qorǵaý organdary bul máseleni sheshý úshin birlesken kúsh-jigerdiń qajettigin eske salady», – dep atap ótti Astana qalalyq Polısıa departamentiniń baspasóz qyzmeti.

Jyl basynan beri Astanada 380 esirtki saıtynyń mekenjaıy buǵattaýǵa jiberilip, 180 esirtkige qatysty graffıtı anyqtalǵan.

«Qazirgi tańda esirtki ortasyna 15-16 jastaǵy jastardy tartýǵa tyrysyp jatyr, olardyń beıhabarlyǵyn paıdalanady. Bir jaǵynan psıhobelsendi zattar usynsa, ekinshi jaǵynan sol zattarǵa baılanysty jumys usynady. Sondyqtan biz árdaıym, ásirese jasóspirimderdi, bul azǵyrýǵa ermeýge shaqyramyz», – dedi Astana PD asa mańyzdy ister jónindegi aǵa jedel ýákili Álıa Qybatqyzy.

Aldyn alý jumystary jalǵasyp jatyr, al elordalyq polısıa barlyq turǵyndardy beıjaı qaramaýǵa, salaýatty ómir saltyn ustanýǵa jáne esirtkiniń zańsyz aınalymymen kúreske úles qosýǵa shaqyrady.