استاناداعى امفيتەاتردا ەلوردالىق پوليتسەيلەر حالىقارالىق ناشاقورلىقپەن كٷرەس كٷنٸ اياسىندا «ەسٸرتكٸمەن بولاشاق جوق!» اتتى اكتسييا ٶتكٸزدٸ,- دەپ حابارلايدى Dalanews.kz
ٸس-شاراعا ەلوردالىق جاستار, ەرٸكتٸلەر, مەملەكەتتٸك ورگانداردىڭ ٶكٸلدەرٸ, تانىمال سپورتشىلار مەن قوعام بەلسەندٸلەرٸ, بلوگەرلەر قاتىستى.
«بۇل كٷن قوعام نازارىن ناشاقورلىقتىڭ عالامدىق پروبلەماسىنا, ونىڭ سالدارىنا جەنە ونى جەڭۋگە باعىتتالعان كٷش-جٸگەرگە اۋدارۋعا ارنالعان. ەسٸرتكٸنٸ تۇتىنۋ جەنە ولاردىڭ زاڭسىز اينالىمى بٷكٸل ەلەمدە ميلليونداعان ادامنىڭ دەنساۋلىعى مەن ەل-اۋقاتىنا ەلەۋلٸ ەسەر ەتەدٸ. بٷگٸنگٸ اكتسييا اياسىندا قۇقىق قورعاۋ ورگاندارى بۇل مەسەلەنٸ شەشۋ ٷشٸن بٸرلەسكەن كٷش-جٸگەردٸڭ قاجەتتٸگٸن ەسكە سالادى», – دەپ اتاپ ٶتتٸ استانا قالالىق پوليتسييا دەپارتامەنتٸنٸڭ باسپاسٶز قىزمەتٸ.
جىل باسىنان بەرٸ استانادا 380 ەسٸرتكٸ سايتىنىڭ مەكەنجايى بۇعاتتاۋعا جٸبەرٸلٸپ, 180 ەسٸرتكٸگە قاتىستى گراففيتي انىقتالعان.
«قازٸرگٸ تاڭدا ەسٸرتكٸ ورتاسىنا 15-16 جاستاعى جاستاردى تارتۋعا تىرىسىپ جاتىر, ولاردىڭ بەيحابارلىعىن پايدالانادى. بٸر جاعىنان پسيحوبەلسەندٸ زاتتار ۇسىنسا, ەكٸنشٸ جاعىنان سول زاتتارعا بايلانىستى جۇمىس ۇسىنادى. سوندىقتان بٸز ەردايىم, ەسٸرەسە جاسٶسپٸرٸمدەردٸ, بۇل ازعىرۋعا ەرمەۋگە شاقىرامىز», – دەدٸ استانا پد اسا ماڭىزدى ٸستەر جٶنٸندەگٸ اعا جەدەل ۋەكٸلٸ ەلييا قىباتقىزى.
الدىن الۋ جۇمىستارى جالعاسىپ جاتىر, ال ەلوردالىق پوليتسييا بارلىق تۇرعىنداردى بەيجاي قاراماۋعا, سالاۋاتتى ٶمٸر سالتىن ۇستانۋعا جەنە ەسٸرتكٸنٸڭ زاڭسىز اينالىمىمەن كٷرەسكە ٷلەس قوسۋعا شاقىرادى.
