Astanada QR Parlamenti Májilisiniń depýtaty, Qazaqstan Respýblikasy Prezidentiniń janyndaǵy Halyqtyń áleýmettik osal toptardyń quqyqtary jónindegi ýákil Kenjeǵul Seitjannyń tóraǵalyǵymen, QR KM Azamattyq aviatsiia komitetiniń tóraǵasy Saltanat Tompievamen birlesip múmkindigi shekteýli jandarǵa áýe kóliginde qyzmet kórsetý máseleleri boiynsha otyrys ótti,- dep habarlaidy Dalanews.kz
Oǵan Qazaqstannyń aviatsiialyq ákimshiligi, Halyqaralyq azamattyq aviatsiia qaýymdastyǵy (IATA), sondai-aq qazaqstandyq jáne sheteldik áýe kompaniialarynyń ókilderi qatysty.
Kenjeǵul Seitjan áýe kóligin paidalaný kezinde múmkindigi shekteýli jandar bepte-bet keletin qiyndyqtarǵa toqtaldy. Óz kezeginde Saltanat Tompieva áýe kóligimen tasymaldaý barysynda múmkindigi shekteýli jolaýshylarǵa jaǵdai jasaý baǵytynda júrgizilip jatqan jumystar týraly baiandady. Qazirgi tańda múgedektigi bar tulǵalarǵa áýe biletterin satyp alýǵa jeńildikter berý máseleleri jóninde qoldanystaǵy zańnamaǵa túzetýler engizý qarastyrylyp jatyr.
Qazaqstannyń aviatsiialyq ákimshiliginiń ókilderi azamattyq aviatsiia sýbektileriniń zańnamalyq talaptarǵa sáikestigi, onyń ishinde múmkindigi shekteýli jandar úshin jasalǵan jaǵdailar boiynsha turaqty negizde tekserýler júrgiziletinin atap ótti. Zań buzýshylyqtar oryn alǵan jaǵdaida tiisti sharalar qabyldanady.
IATA-nyń Ortalyq Aziia boiynsha óńirlik menedjeri Rizvan Siddiki múmkindigi shekteýli jolaýshylarǵa qolaily jaǵdai jasaý Assotsiatsiianyń basym baǵyttarynyń biri ekenin atap ótti. IATA turaqty túrde uiym múshelerimen (dúniejúzi boiynsha 360-tan astam áýe kompaniiasy) keńester ótkizip, áýe kompaniialaryna júzege asyrý úshin jiberiletin standarttardy ázirleidi.
Áýe kompaniialary da múmkindigi shekteýli jandarǵa jaǵdai jasaý boiynsha óz jumystary jóninde esep berdi. Keńes qorytyndysy boiynsha Azamattyq aviatsiia komitetiniń tóraǵasy kóterilgen barlyq máseleler áýe kompaniialarymen birlesip qarastyrylatynyn atap ótti.
