E-Qazyna elektrondyq platformasynda memleket menshikke qaitarylǵan aktiv satyldy. Bul arada Astanadaǵy turǵyn-úige jatpaityn úi-jai týraly sóz bolyp otyr, dep jazady Dalanews.kz.
"E-Qazyna elektrondyq platformasynda aýktsion formatyndaǵy saýda-sattyq aiaqtaldy, onyń barysynda memleket menshigine qaitarylǵan aktivterdiń biri - Astanada ornalasqan turǵyn úige jatpaityn úi-jai sátti satyldy. Nysan QQS-pen qosa alǵanda 108 461 438 teńgege, iaǵni bastapqy baǵasy 84 584 305 teńgeden 23 877 133 teńgege artyq satyldy", delingen Qaitarylǵan aktivterdi basqarý kompaniiasynyń baspasóz qyzmetiniń habarlamasynda.
Kompaniia atap ótkendei, bul mámile investorlardyń astanalyq jyljymaityn múlikke degen joǵary qyzyǵýshylyǵyn tanytyp, osyndai aktivterdiń naryqtyq áleýetin kórsetedi. Barlyq túsken qarajat Arnaiy memlekettik qorǵa aýdarylady. Olar mundai qarajatty Qazaqstannyń ekonomikalyq damýyn qoldaý jáne mańyzdy áleýmettik obektilerdi salý úshin paidalanatyn bolady.
Buǵan deiin Almatyda óndiristik baza satylǵany habarlanǵan bolatyn. Aktiv bastapqy baǵasy 1,6 mlrd teńgege (+12% QQS) satyldy. Sondai-aq, qaitarylǵan aktivterdi basqarý kompaniiasy memleketke qaitarylǵan birqatar obektilerdiń saýda-sattyǵyn uiymdastyrý týraly habarlama taratty. Onda ártúrli aktivter aýktsionǵa qoiylǵan: Almaty men Astanadaǵy jer ýchaskeleri, turǵyn úige jatpaityn úi-jailar men ákimshilik ǵimarattar.
Prezidenttiń tapsyrmasyna sáikes, memleketke qaitarylǵan aktivter áleýmettik mańyzy bar jobalarǵa baǵyttalýda. Búgin saitymyzda osy maqsatta Úkimet Arnaiy memlekettik qordan Jetisý oblysy, Kerbulaq aýdany, Kóksai aýylynda jańa mekteptiń qurylysyna 1,4 mlrd teńge bólgeni habarlandy.
