Kún raiy jylynǵan ýaqyttan bastap Astana qalasynyń qorshaǵan ortany qorǵaý jáne tabiǵatty paidalaný basqarmasy sý aidyndary men sýly-batpaqty jerlerde masalardyń dernásildik formasynyń bolýyna tekserý júrgizedi, is-sharalar ǵylymi súiemeldeý arqyly ótkiziledi,– dep habarlaidy Dalanews.kz
Ǵylymi súiemeldeýdiń maqsaty – masalardyń dernásildik formasynyń damýynyń kezeńderin anyqtai otyryp, barlyq ýaqytsha jáne turaqty sý aidyndaryn zertteý, olardyń oryndaryn belsendi izdeý, sondai-aq sý aidyndarynan jappai ushyp ketýdi boldyrmaý úshin dezinsektsiialyq óńdeýlerdi júrgizý ýaqytyn anyqtaý. Bul óz kezeginde olardyń damýynyń erte satysynda kúresýge múmkindik beredi.
Sonymen qatar, saiabaqtarda, skverlerde, turǵyn alaptarda is-sharalar júzege asyrylatyn bolady.
Elordada alty týr arqyly shirkeiler men masalarǵa qarsy dezinsektsiialyq jumys júrgizilip jatyr. Óńdeý 22 sáýirden qyrkúiekke deiin jalǵasady. Maýsym boiy is-sharalar saǵat 21.00-den taǵy 04.00-ge deiin ótkiziledi.
Elorda turǵyndary men qonaqtary osy ýaqytta saqtyq sharalaryn saqtaýy mańyzdy:
- Óńdeletin oryndarǵa barmaý;
- Óńdeý kezinde úidiń terezelerin jabý.
Bul dezinsektsiialyq sharalar jándikterdi tolyq joiýǵa emes, sanyn azaitýǵa baǵyttalǵan, óitkeni olar tabiǵi ekojúieniń ajyramas bóligi bolyp sanalady.
Qala aýmaǵynda dezinsektsiialyq jumys júrgizý úshin mehanikalyq rotorly búrikkishter, dezinsektsiialyq mashinalar, qamysy qalyń qol jetpeitin jerlerdi óńdeýge arnalǵan kvadrokopterler, al úlken sý aidyndarynda arnaiy jabdyqtalǵan qaiyq paidalanylatyn bolady.
Sondai-aq, biyl sý aidyndaryndaǵy dernásildik kezeńge qarsy dezinsektsiialyq is-sharalar úshin faýna men flora úshin ziiansyz biologiialyq preparattar paidalanylatynyn atap ótken jón.
Aýqymdy óńdeý barysynda basqarýshy kompaniialar, PIK, MIB (turǵyn úi qorynyń obektilerine qyzmet kórsetetin), bilim berý, densaýlyq saqtaý, mádeniet, sport, qurylys nysandary, bazarlar, saýda úileri jáne basqalar jertóle úi-jailaryn abattandyrý jáne qurǵatý jáne olardy dezinsektsiialyq óńdeý is-sharalaryna qosylýy qajet.
