Astanadaǵy Ulttyq neirohirýrgiia ortalyǵynda astanalyq turǵynǵa Mindetti áleýmettik meditsinalyq saqtandyrý qory (MÁMS) esebinen tegin operatsiia jasaldy. Er adamǵa omyrtqa kanalynyń stenozy diagnozy qoiylǵan,- dep habarlaidy Dalanews.kz
Naýqasty bel tusyndaǵy aýyrsyný on jyl boiy mazalaǵan. Ol túrli em qabyldap, meditsinalyq mekemelerde tekserýden ótken.
«Men árdaiym hirýrgiialyq operatsiiadan qorqatynmyn, manýaldy terapiiaǵa júginip júrdim, dárigerler de operatsiia jasatpaýǵa keńes beretin.
Aýrýymdy asqyndyryp aldym – sońǵy kezderi aiaqtarym jansyzdanyp, óz betimmen júre almai qaldym. Sol sebepti Ulttyq neirohirýrgiia ortalyǵynyń mamandaryna júgindim. Olar operatsiiasyz bolmaitynyn aitty. Meni aýrýhanaǵa jatqyzyp, kelesi kúni-aq operatsiia jasady. Operatsiiadan soń birden aiaǵyma turdym, jaǵdaiym turaqtaldy. Eger Mindetti áleýmettik meditsinalyq saqtandyrý qory bolmaǵanda, bul emge qarjylyq múmkindigim jetpes edi», – deidi óz oqiǵasymen bólisken Arman Aýshahmanov.
Naýqasty emdegen neirohirýrg-dáriger Nurjan Ábishevtiń aitýynsha, joǵary tehnologiia men bilikti mamandardyń arqasynda operatsiiadan keiin patsientter áldeqaida jyldam qalpyna keledi.
«Bul naýqasty búgin shyǵaryp jatyrmyz. Ol bizde bir apta jatty. Oǵan implant qoidyq, julyndy bosatyp, arnaiy bolttarmen bekittik, bárin túzedik. Omyrtqasyndaǵy jasandy qurylǵylar adamǵa esh kedergi keltirmeidi, ol qalypty ómirin jalǵastyra alady. Alda ony emhanalyq ońaltý kezeńi kútedi», – dedi dáriger.
Mamandardyń aitýynsha, Ulttyq neirohirýrgiia ortalyǵyna elimizdiń barlyq óńirinen, sondai-aq shetelden de naýqastar júginedi.
Ulttyq neirohirýrgiia ortalyǵy – Qazaqstandaǵy neirohirýrgiialyq patologiia boiynsha diagnostikadan bastap, erte ońaltýǵa deiingi tolyq meditsinalyq qyzmet túrlerin usynatyn joǵary mamandandyrylǵan klinika.
Ortalyq zamanaýi tehnologiialarmen jabdyqtalǵan – gamma-pyshaq, robottandyrylǵan júieler, rezidentterdi daiarlaýǵa arnalǵan joǵary dáldiktegi simýliatsiialyq trenajerlar bar.
Ortalyq ashylǵan sátten bastap halyqaralyq jobalarǵa belsene qatysyp, álemniń jetekshi klinikalarymen tyǵyz áriptestik ornatty. 17 jyl ishinde munda 70 myńnan astam naýqas em qabyldap, 50 myńnan asa operatsiia jasaldy. Jyl saiyn shamamen 5 myńǵa jýyq operatsiia júrgiziledi. Qazaqstanda alǵash ret bizdiń ortalyqta mikroneirohirýrgiia, endovaskýliarlyq, endoskopiialyq jáne fýnktsionaldyq neirohirýrgiia siiaqty jańa baǵyttar engizildi. 80 jańa meditsinalyq tehnologiia engizilip, joǵary tehnologiialyq emdeýdi elimizde qoljetimdi etti. Buryn ortalyq ashylǵanǵa deiin joǵary tehnologiialyq meditsinalyq kómekke muqtaj naýqastardyń 80%-y mundai emdi Qazaqstanda ala almaityn.
2024 jyly klinikada 5 234 patsient emdelse, onyń ishinde 599-y – balalar. 4 421 adam MÁMS aiasynda, taǵy 813 adam memlekettik kepildendirilgen tegin meditsinalyq kómek sheńberinde em aldy.
Aita ketý kerek, gamma-pyshaq tehnologiiasy boiynsha jasalatyn operatsiialardyń tiimdiligi joǵary. Bul apparat midaǵy isikterdi, qan tamyrlary men fýnktsionaldyq aýrýlardy bas súiekti ashpai jáne narkozsyz emdeýge múmkindik beredi. Bul meditsinalyq kómek túri 2021 jyldan bastap MÁMS paketi aiasynda qoljetimdi boldy.
Osy ýaqyt ishinde 2000-nan astam operatsiia jasaldy. 2025 jyldyń alǵashqy jartyjyldyǵynda MÁMS aiasynda 2 582 adam meditsinalyq kómek aldy, onyń ishinde 269-y – balalar.
Ortalyqta bir naýqasty emdeý quny – 400 myńnan 7 million teńgege deiin. Bul emniń baǵyty men kúrdeliligine bailanysty.
«Jańa tehnologiialardyń engizilýi jáne olardyń sátti qoldanylýy sheteldik patsientterdiń de nazaryn aýdardy. Búginde álemniń túkpir-túkpirinen 470-ten astam adam Ulttyq neirohirýrgiia ortalyǵynda emdeldi», – dedi «Ulttyq neirohirýrgiia ortalyǵy» AQ basqarma tóraǵasynyń orynbasary Asylbek Qaliev.
