Áleýmettik jelide Facebook platformasynda Rýslan Túsipbekovtiń Astana qalasyndaǵy kóshelerdiń birine Magomed Nýrbagandovtyń esimi berildi degen jazbasyna bailanysty resmi túsinikteme berildi (qazirgi tańda bul jazba óshirilgen), dep habarlaidy Dalanews.kz.
Resmi málimetke sáikes, Astana qalasynda Magomed Nýrbagandovtyń atymen atalǵan kóshe joq. Atalǵan ataýdy berý jóninde eshqandai normativtik-quqyqtyq akt qabyldanbaǵan. Qazirgi tańda bul kóshe jobalyq ataýmen S192 jobalyq kóshesi dep atalady.
Sondai-aq qazir 2GIS jáne Yandex kompaniialarymen elektrondy kartalarda atalǵan kóshe ataýynyń paida bolý sebepterin anyqtaý boiynsha jumys júrgizilip jatyr. Aita keteiik, Google kartografiialyq servisinde bul ataý múlde kórsetilmegen.
Jaýapty organdardyń habarlaýynsha, jaqyn arada Magomed Nýrbagandov ataýy 2GIS pen Yandex-tiń elektrondy kartalarynan alynyp tastalady.
