29 qyrkúiekten bastap Astanada jeńil relsti kólik júiesiniń synaqtyq paidalanýy bastaldy,- dep habarlaidy Dalanews.kz
Elordadaǵy LRT júrgizýshisiz qozǵalady. Synaq barysynda mamandar relsterdi, stantsiialardy, bailanys jelilerin, jyljymaly quramdy, qaýipsizdik pen qozǵalysty basqarý júielerin tekseredi. Erekshe nazar qyzmetkerlerdi daiyndaýǵa, tótenshe jaǵdailardaǵy is-qimyldarǵa jáne LRT basqa kólik túrlerimen integratsiialaýǵa aýdarylady.
LRT quramdary GoA4 apparattyq-baǵdarlamalyq keshenimen jabdyqtalǵan – bul tolyq avtomattandyrylǵan basqarý júiesi: qozǵalys, araqashyqtyqty saqtaý, toqtaý, esikterdi ashý jáne jabý, depodan shyǵý jáne kirý, jýý jumystary operatordyń qatysýynsyz júzege asyrylady.
«GoA4 – relsti kólikti avtomattandyrýdyń eń joǵary deńgeii, jańa jelilerdi salý nemese qoldanystaǵy jelilerdi jańǵyrtý kezinde kóptegen qalalar umtylatyn standart. Metro men LRT júieleri úshin bul tiimdilikti, qaýipsizdikti jáne basqa kólik túrlerimen salystyrǵanda básekege qabilettilikti arttyrýdy bildiredi. Búginde GoA4 Singapýrde, Dýbaida jáne Qytaida engizilgen, dál osyndai zamanaýi deńgei Astanada da iske asyrylady», – dep atap ótti «City Transportation Systems» JShS Basqarma tóraǵasy Asylbek Dúisebaev.
Jabdyq pen infraqurylymdy keshendi synaý keminde alty aiǵa sozylady. Birinshi kezeńde testileý №112–№113 stantsiialary arasynda bastalady. Poiyzdar bastapqyda 10 km/saǵ jyldamdyqpen qozǵalyp, keiin jyldamdyq pen synaq aimaqtary kezeń-kezeńimen artady. Bul eń joǵary qaýipsizdikti qamtamasyz etýge, relsterdi muqiiat tekserýge jáne birtindep jobalyq parametrlerine ótý úshin qajet.
Birinshi kezeń:
- saqinaly kabeldik jelini synaqtan ótkizý;
- infraqurylym men jyljymaly quramnyń kólemin baqylaý;
- relsterge kerneý berý;
- poiyzdardy «sýyq» jáne «ystyq» júrgizý, injenerlik jeliler daiyn bolǵanyna qarai synaq aimaqtaryn birtindep keńeitý – aralyqtardan stantsiialarǵa deiin.
Ekinshi kezeń:
- jyljymaly quramdy basqarýdyń negizgi júielerin synaqtan ótkizý, radiobailanysty tekserýdi qosa alǵanda;
- qozǵalys qaýipsizdigin synaý;
- poiyzdardyń platformalyq esiktermen ózara árekettesýin pysyqtaý;
- stantsiialarǵa avtomatty túrde kelý jáne júrýdi tekserý;
- signalizatsiiamen biriktirilgen symsyz júielerdi synaý;
- elektrmen jabdyqtaý júiesine túsetin júktemeni baǵalaý;
- shtattyq jáne shtattan tys jaǵdailardy modeldeý;
- túrli paidalaný stsenariilerin imitatsiialaý.
«LRT poiyzyn júrgizýge daiyndalyp júrmiz. Oqytýdy Astanada teoriiadan bastap, Qytaida tájiribelik mashyqtardy shyńdadyq. Sonyń ishinde elektrpoiyzdy basqarý, shtattan tys jaǵdailarda áreket etý siiaqty mańyzdy daǵdylardy meńgerdik. 7 ailyq oqýdan ótip, mine, endi úshinshi kezeńin bastadyq. Ol test jumystaryna belsendi aralasý. Bul kezeńde LRT-ny tejeý, tartý júieleri, avtomatty júrgizý jumysyna qatysamyz. Osy bilim men tájiribe keiin jolaýshylardyń qaýipsizdigi úshin asa qajet bolady. Qazaqstandaǵy sý jańa kólik túrin alǵashqylardyń biri bolyp tizgindeý – úlken jaýapkershilik ári mártebe. LRT – zamanaýi qadam, sondyqtan biz óz úlesimizdi qosyp jatqanymyzǵa qýanyshtymyz», – dedi «City Transportation Systems» JShS-niń LRT poiyzdarynyń operatory Aidar Nadyrbekov.
Qaýipsizdik maqsatynda estakadaǵa jáne jol jelisine kirýge qatań tyiym salynady, sebebi bailanys jelisi 750V joǵary kerneýmen jabdyqtalǵan jáne ol adam ómirine qaýipti.
Synaqtar aiaqtalǵan soń, 2026 jyly LRT júiesi paidalanýǵa berilip, elordaǵa jańa býynnyń tolyq avtomattandyrylǵan jáne júrgizýshisiz basqarylatyn kóligi usynylady.
